خـلاص ماباقـي إلا تعلـن فراقـي ..كمل جميلـك مدامـك مبعـد وقلهـا

سِـن المفـارق ولاتاخـذ بميثـاقـي ..لا انت آخر الناس من باعت ولا اولها

ارحمني من هالعذاب وحرر وثاقـي ..روحٍ تحبـك وفاهـا هـد كاهلـهـا

رحلت لكن تركت الوجـد باعماقـي ..نـارٍ لظاهـا يبيـن بعينـي الولهـى

همّلتني للسهـر والحـزن وأوراقـي ..ماغير أخط القوافي فيـك وأرسلهـا

ياللي تساوم على صبـري وخفاقـي ..إلى متى تمتحـن روحـي وتـعْللها

ان كان به مايبـرر منـك إحراقـي .. سلمتك الروح بيـن إيديـك واغتلهـا

ناظر بعين الضمير الحـي وتلاقـي .. جورك/ وطيبـي ووقفاتـي مقابلهـا

وأنا مع إنـي أمـوت فحبك..وباقـي ..ماقلـت عـود علـي ولاتطولـهـا

فديت قلبـك تجمّـل وإعلـن فراقـي .. روحٍ تحبـك وفاهـا هـد كاهلـهـا