هذه من محاورات والدي الشاعر الكبير عبدالله بن سيف السهلي رحمه الله
مع عملاق الشعر الشعبي أحمد الناصر عام 1401هـ
أهديها لكل من أخواني أبو هلا وجساس وأبو طارق وكافة أعضاء ومتصفحي مجالس الرويضة كلن باسمه
عبدالله بن سيف:
أحـمـد هنـيـا وحـنـا عـنـد ربــعٍ قـــروم= والبيع والمشترى للتاجـر اللـي ملًّـي
أنت المعلم وبه ناس تعـرف العلـوم= لا شك الأجواد تبغى كل رجلٍ شلي
أحمد الناصر:
لعـل حظـي وحظـك بالمغنـي يـقـوم= وترى جهينة قريب حقها من بلي
أوى ضابط كبيـر ولا بكتفـه نجـوم= ماكنـه إلا مـع العالـم محمـد عـلـي
عبدالله بن سيف:
الـحـظ قـايــم وسـولــف يـــا قـــوي الـعــزوم= والحـنـبـلـي مــــا يــغــره مــذهــب الـحـنـبـلـي
هاك السوالف يا بوناصـر سـواة الحلـوم= صارت لهم عليهم سحيلة والله المعتلي
أحمد الناصر:
أن كان منتب مضًّرا في براد وسموم= أشوف رأسك يبا الطولات يـا لعبدلـي
يا كثر يا كثـر مـا شفنـا طيـورٍ تحـوم= اللـي عـلـى داركــم والـلـي بـديـرة هـلـي
عبدالله بن سيف:
المـشـكـلـة صــــار قـلـبــك يـابـونـاصـر رحــــوم= بـعـض الرياجـيـل ذبـحـه مـثـل ذبـحــة طـلــي
يا أهل الوفا والشرف وأهل الفخر والسلوم= قولـوا لـهـا الـرجـل يـطـلا كــل مخـطـي طـلـي
وهي طويلة