السلام عليكم ورحمة الله وبركاته
ضاقت بي الدنيا يا ربي أبيها تصفالي
أنا مليت من دنياي وأشوف الكل متغير
أشوف عني البشر تبعد كأني لفظت أنفاسي
ولاكني بشر لي قلب أحس فيه أنا وأشعر
أنا والله ما استاهل أبد كل الي يجرالي
ولا عمري ضايقت إنسان ومهما صار أتعذر
بصبر لأجله مهما طالت بيني وبينه مسافاتي
ولا يخطر في باله يوم قلبي عن حبه يتغير
أنا اشهد إني لحالي ضعيف وتمتلكني إحزاني
آه وينه ملاك قلبي يشوف حالي ومعاناتي
يشوف الكون من دونه شلون بعيني صار أصغر
تعبت اتأمل طيوفه في كل أوقاتي وساعاتي
ومالي خلق لأي إنسان كثر ما فيه أنا أفكر
عشقته عشق والله ملى قلبي ملى إحساسي
وحبي له يسوى الكون وربي لا بعد أكثر
عشقته عشق لا قبله ولا بعده أنعشق ثاني
هويته موت سكن روحي وله قلبي وأنا افخر
وقلبي وهو قلبي من كثر شوقه يريد يظهر
آه يا قلبي لا تضعف ولا تبكي على حالي
حكم القدر أعيش الدنيا مهموم والحال متكدر
غصة ألـم دوووم ترافقني في روحاتي وجياتي
ودمعي يحرق جفوني ويتساقط على خدي ويتبعثر
لا يفتكر بنسـاه ولو طالت مسافاتي وأيامي
ولو حاولت أنا أنساه في نسيـاني أنا أتذكر
تعبت أقول يا دنيا أمانه متى تتغير أحوالي
متى يا دنيا وانا ما كنت في يوم وياك مقصر
دعيت خالق الكون بقلبـ(ن)يشتكي قسوة زماني
ورجيته بقلب صادق ودمع العين بلل المحجر
يا ربي إذا قصرت ابيهم يحملون جثماني
ولا اشوف كل البشر تصد عني وتتغير