الشايب اللي بالحشا ذاق الامرار ..}
{.. يبكي من الأوهام حزن و نكادهـ
يشهق على ما فات و اللي بعد صار ..}
{.. يوم الليالي في حشاها سعادهـ
يبكي عياله و العنا داخله نار ..}
{.. و الهم يحرق و الغثا في رمادهـ
يقول ثاري ليتني آخذ الثار ..}
{.. منهم و أنا بالصبر مالي جلادهـ
عيالي اللي طبعهم طبع الأشرار ..}
{.. محكوم أنا بالحزن حكم الإبادهـ
و الله خسارة لوعوني بالأقدار ..}
{.. و نسو بلا ميعاد عطفي و زادهـ
بالدار خلوني وحيدٍ و بالدار ..}
{.. اشكي و هم دنياي و آخذ وكادهـ
لا احدٍ سئل عني و لو بس بأفكار ..}
{.. يالأسف زادوا عذابي زيادهـ
أنا أبوهم قلته بسر و جهار ..}
{.. لكن صدى الأصوات ماله أفادهـ
و الله أنا ما أخطيت في حق الأخيار ..}
{.. مسلم و أصلي قيام بالعبادهـ
و اليوم أنا يا ناس بالدار محتار ..}
{.. ما غير أسولف للقهر و القرادهـ
كبير سن و المرض زاد الإمرار ..}
{.. أبكي قهر و الحزن زاد بنكادهـ
منقووول