31-05-2010, 02:56 PM
|
| |
ليه أنتظر صبحً وصالك ماهو فيه ؟!
طيب إذا ما كان لي صبح و أحباب
ــــــــــــ ليه أنتظر صبحً وصالك | ماهو فيه !
يمكن على ذكراك و الباب بالباب
ــــــــــــ كذا الصباح أحبّ وصله و طاريه
أيام كنّا نشعل الصبح بأهداب
ــــــــــــ طاحت سهر مابين حاضر و لبيه
أيام كنّا ما حسبنا لها حساب
ــــــــــــ وش يجني العاشق سوى فقدّ غاليه
وينك صباحي بعد فرقاك ما جاب
ــــــــــــ إلا صورك / وذكرياتك / وماضيه
أبستمر يعني كذا غياب بـ غياب
ــــــــــــ والله كذا يأسرني الحزن و التيه
يا أول قصيدة صبح في صفحة كتاب
ــــــــــــ شعري و غنّاك القصيد و قوافيه
يا أجمل سبب كانت حصيلته الأعجاب
ــــــــــــ يوم أمتلا صدر القصايد مشاريه
ياما غرقنا دمع / وفراق / وعتاب
ــــــــــــ ياما وياما لكن الله : يخليه
الحب يجمعنا بلا عذر و أسباب
ــــــــــــ والصبح يهدينا المحبّه بأغانيه
اول لشوفك أفتح لقلبي الباب
ــــــــــــ و اليوم مابه باب يفتح لـ غاليه
يعني ما دام الصبح في وصل الاحباب
ــــــــــــ ليه أنتظر صبحً وصالك ماهو فيه ؟!
::
للشاعر / بدر الظاهري ..
|