السلام عليكم ورحمة الله وبركاته
ابيات اهداء للأستاذ / محمد بن عبدالله السهلي ( ابوهلا )
مجرد شعور فقط ولا تبين قدر ابوهلا لأن قدره اكبر من الشعر
وهو له حق وانا مقصر معه ويستاهل ابوهلا
صوره تذكاريه لأبوهلا في حفل تكريمه من قبل وزارة الداخليه على جهوده المبذوله في خدمة الوطن
لـــــــــــــ بو هلا
ولكم
سلام يامحمد ولد عبدالله القالط سلام=في خاطري كلمة وفاء بقولها وعدها
والله ونعم اليا حمى الموقف ولا زاد الزحام=غصباً على اللي مايبي اقولها واردها
جنبك متين ولا تهاب ولا لحق مثلك ملام=وفالازمه تقلط سطر الين تاسم خدها
وانا مع محمد طويل الباع يجذني هيام=وروس الرجل الطيبه تودني وودها
وابوهلا قدره كبير وله معزه واحترام=من طيب راسه لازهمته ساقها لاحدها
أجيه لوه منشغل ويروح في دربي شمام = حتى لو دربي بعيد يتعب معي و يصدها
فعله مع الاقراب والاجناب معطيه الوسام=يوم الردي يتعب على المدحه ولا قد شدها
حاز المراجل كلها ماقال شرق وقال شام = وانا اشهد انه قدها وانا اشهد انه قدها
والله ونعم اقولها للي كسب عرض السنام= كلمة وفا في غيبته و بحضرته بعدها
تحياتي لكل المارين من هنا