09-05-2010, 09:39 AM
|
| |
فنجال فرقاك
ياماخذ ( القلب ) ~ قلبـي ويـن ودّيتـه
نطرت قلبي يجي منّك ~ ولا جانـي !
رحت آتحراه يرجع والحشـا . . بيتـه
والظاهر بقربك ~ ارتـاح وتناسانـي
وش لك بقلـبٍ تضمّـه . . ماتمنيتـه ؟
عادي تضمه ! وعادي تضمّ لك ثاني
ماهي غريبه ليا جالـك .. وضميتـه
وسيع ذمه عسـى ربـي /لايبلانـي
ماخفـت ربـك وقلبـي .. ماتبنّيتـه
غيّرت قلبي عليّ و رحـت تجفانـي
ابيك تذكر وش اللي معْـك .. سويتـه !
راجع ضميرك ورتب جمله / أحزانـي
حتى الشعر فيك ضحّكتـه .. وبكيّتـه
يضحك على شانك ~ ويبكي على شاني
في داخلـي لـك كـلامٍ .. ماتـهقويتـه
كلام لاجيت اقولـه ~ يثقـل لسانـي !
كلام فالصـدر مـن سبّتـك .. كنّيتـه
عجزت اقوله ماكنّ لسانـي حصانـي
حبل الوصل من يدينك يوم .. هدّيتـه
حاولت أشيله ولاكن طاح ، مَ امداني
وقفـت حتـى مكانـي .. ماتعديـتـه
كن الصبر مرّنـي عجْـل وتعدانـي !
فنجال فرقاك مـن صـدك .. تقهويتـه
والحزن غيـّم على الصدر و تقهـواني
على كثر مانزف جرحـي .. وداويتـه
على كثر ماندمت وقلت وش جانـي !
الله يسامحْـك ~ قلبـي ويـن وديتـه
والله يسامـحْـه قلبـي ويـن ودانـي
مما راقي لي
|