مجالس الرويضة لكل العرب - عرض مشاركة واحدة

#1 (**permalink**) 22-04-2010, 10:54 PM

ما دام انا مبلي بحبك ومجبـور
اللي تولـع فيـك قـدّر ظروفـه

قدّر شعور مولعٍ منـك مخطـور
يضحك بسنّه والبلا وسط جوفـه

من جالسه يحسبه داله ومسرور
والجرح في كبده ولا احدٍ يشوفه

يرجي وصالك قد له ايام وشهور
جد له بوصلك كان عندك مروفه

ارحم حزينٍ من سبايبك مقهـور
يسهر من اسبابك يفرّك كفوفـه

منك الحشا كنّه على حر دافـور
ياللي اليـا دبّـر تتلـه ردوفـه

حبك على امـرٍ مقـدّر ومامـور
وعيني بصافي الدمع لجلك ذروفه

قلبي تسرّع لين حبك على الفور
ما فات مالت ولا تفيد الحسـوفه

ماراق لي