يا خالق الدني يا مْسيّر الأكوان= لمين غيريك بشكي من أسايي
عا شط عمري صـبـّت الأحـزان= بأنهـار الهـجـر إدامـي وّرايـي
فارقـت روحـي عَـأرض لـبـنـان = ودّعت عَـترابو سعدي وهنايي
وجوّات صدري شعلت النـيران = وتكسّروا جناحي ومالت خطايي
محروق ألبي يغلي متل بركان = وما عدت أعرف صبحي من مسايي
مشتت الأفكار تايه وحيران = وما عرفت حالي إدّام المرايي
عتّم الأهر حولي عمل حيطان = وغيم المرارة تلبّد في سمايي