تعبت من ممشى على غير مشهـاي=وتعبت من صبر علـى غيـر غايـة
طاحت عزومي ليـن قلـت نوايـاي=وابعدت من مبداي صـوب النهايـة
ماغير اهوجس واضرب الراي بالراي=واثـر المغربـل مايخلصـه رايــه
الوقت ذا هو هو بطبعه وانـا ايـاي=انـا صـدوق وذا زمـان الدعـايـة
يالله ان تعاوني علـى كبـر بلـواي=ويالله ان تقدينـي طريـق الهدايـة
اشكي من الماضي وخوفي من الجاي=ولـي فـي ملمـات الليالـي درايـة
لو كنت اعرف دواي ماخفت من داي=واخير مـن طـب الطبيـب الوقايـة
سبحان من يعـرف مقاسيـم دنيـاي=فـي صفحـة ماتنعـرض للقـرايـة
اليا غدى وقتي جزوع مـن حكـاي=ادوي بهاجوسـي علـى كـل ايــة
والياكسرني هاجسي صـوب مركـاي=ايـه جبرنـي نخـوة دموعـي ايـة
وان شفت همي مانقص من تشكواي=اخترت من نطـح الهمـوم القفايـة
وقتً غدى كنه علي اكبـر اعـداي.=يفـرح علـي مجمعيـن الوشـايـة
صادمت صكات الزمن باول اصبـاي=وصادمت قد شيبي بظهـر فالمرايـة
الين نبـات الارض غـارس ورواي=وشوك السلم ماخذ على اسمي وصاية
اعـد غلطاتـي واحسـب خطايـاي=لانـي بمـنـدل ولانــي بتـايـه
ايس وتيبس عقب ماايـس شفايـاي=وامل وبعـض امـال قلبـي غوايـة
لااسوم انا وجهـي ولاامـد يمنـاي=ثنتيـن تحسـب للمـذلـة بـدايـة
بالقـي همـوم الليـالـي مقـفـاي=لين اقلـب اخـر صفحـة للروايـة
برضى بمقسومي على طيـة رشـاي=لاعـاد لـي شـف ولالـي هوايـة
مالي جدى الا ونـة القلـب ودعـاي=وعـنـايـة الله ماوراهاعـنـايـة
بسكت وسري ساجنه فـي حنايـاي=اليـن تـروي المقبـلات الحكـايـة