12-04-2010, 11:27 PM
|
| |
مغرورة
يا مغروره عسى ما شر .. علامك شايفه حالك ؟
ابي افهم انا حاجه على ويش انتِ مغروره ؟
اذا غرّك كثر مالك .. نصيحه حطّي اف بالك
ترى اللي يتبع الدنيا اكيد اخطاه معثوره
ترى قارون من قبلك عقب ملكه غدا هالك
لزوم الحال تتبدّل بعد مالحال مسروره
واذا من حسنك وزينك غرورك صابك وطالك
ترى اللي خالقك حلوه خلق مليون سنيوره
حسافه وقتي الماضي يضيع برفقة امثالك
خساره صورتك كانت بوسط القلب محفوره
ترى ما عدت لك فارس ولا بكون خيّالك
وترى منتي على حبّي بعد هاليوم مجبوره
يا مغروره على فالي ابمضي وانتي اف فالك
واذا عندك حكي ثاني كفايه هرج مشكوووره
ترى تلقين في دربك مع الايام اشكالك
تعشقين ويعشقونك وكلٍ يبدع بدوره
على احلام وهميه خفوقك يرسم آمالك
إلين تفزّي بليله من الاحلام مذعوره
تعزفين الالم نغمه يكون الحزن موّالك
تعيشين العمر تاليه ندمانه ومقهوره
بخلّي قصّتك قصّه واشمّت فيك عذّالك
وانا بمضي على فالي وابلقا ( 1000) سنيوره !!
محمد الشمري - |