14-03-2010, 02:15 AM
|
| |
ليه البشر كلن على قول ماعوف
ليه البشر كلن على قول ماعوف
وعند الحقيقة كل شخصٍ يعوفي
تكفين يادنيا على النفس مكلوف
شافت وعافت شيل كل الكلوفي
هذا الزمن مافيه من كامل إوصوف
ماشفت بين الناس كامل إوصوفي
بعض البشر يعطي على قوله إحلوف
وبعض البشر صادق بليا إحلوفي
وبعض البشر لاداس دربِ به إسيوف
يمضي ولا فكر بكثر السيوفي
وبعض البشر لو واجهه سيف معكوف
يرجع ويقضي كل وقته إحسوفي
وبعض البشر لامربه ضيق وإضروف
يسلك بدربه لو تعوق الجروفي
وبعض البشر لاواجه الضرف معروف
يندب يصيح الوقت جاب الضروفي
واجد بشر في دربي الي به أطوف
مافيهم الي مثل دربي يطوفي
لقيت ناسن كلها زيف مكشوف
ولقيت ناسن بالملاقى تروفي
ولقيت ناسن عندها لحن معزوف
قالو على دق اللحن ليه توفي؟
جاوبتهم بإسكات والوضع محفوف
ساكت ولو أن الطواري تحوفي
ولقيت بين الناس زوار وإضيوف
خاويتهم وأصبحت بين الضيوفي
|