06-03-2010, 06:41 PM
|
| |
رد: آلفْ لَيــــلهْ ولَيـ/ــــلهْ ..!
قالت كذب
قلت ارحمي قلب تعب
قالت تحب
قلت القمر كم له محب
قالت كثير
وقلت انا
ادري كثير
وادري هوى مثلك صعب
.
.
قالت انا حولي نجوم
وحولي كثير من الغيوم
من هو بغى مني ضيا
ولا ابتسامة من حيا
يتعب كثير الين يذبحه العيا
.
.
هذا انا
تعشقني آلاف القلوب
من هو نظر طيفي يذوب
عن معرفة غيري يتوب
.
.
هذا انا منهو على عمري جنا
ادري ان حسني مايدوم
وادري مصيري للفنا
بيجف غصني وانتهي وماظن يركيلي ظنا
هذا انا
وجهي مرايا للعنا
في ضحكتي مابه هنا
.
.
هذا أنا
من الألم تبكي حروفي
ويحتضر قلبي بجوفي
ويعتري هالروح خوفي
هذا انا
عانقت في عيني السواد
فارس يسير بلا جواد
خانتني احلامي كثير
محال لايمكن تصير
ادري الغنى مو للفقير
وادري الضوى مو للضرير
ادري الخطا مني حلمت
وصحيت من حلمي وندمت |