حـبـك بقـلـبـي ماظـمـحـل وتـخـفـا

مــع مــرت الأيـــام يـكـبـر ويـــزداد

النـار لا زيـدت حـطـب كـيـف تطـفـا

تظـل مشتعـلـه بــلا قـدحـت زنــاد

هـرج الحقيـقـه غـيـر هــرج ٍ يصـفـا

والفـرق واظــح بـيـن عـايـد وعـيـاد

الـكــذب مـالــه وجـــه وإلا مـقـفــا

واللـي يصـدق لـه ثوابيـت واسـنـاد

الصاحـب الـلـي لا وصفـتـه بوصـفـا

يكبـر عـلـي راســه وللكـبـر يعـتـاد

أقـولــه مـبـغـاك وإرجــــع لـخـلـفـا

ماقادنـي يرجـع لصاحبـه مـن قــاد

بــدري علـيـه اقــول للـزيـن تـكـفـا

يـقـولـهـا مــنــذل وإن راح لا عــــاد

إطـويـق راســي لــو تـدفـوه دفـــا

مـاسـك مكـانـه لا تـنـاقـص ولا زاد

أرض ٍ تـشـيـلـه جـعـلـهـا مـاتـجـفـا

من ظـرب وبـل المـزن تـزداد تـزداد

عـسـى الخـزامـا والنـفـل والمخـفـا

يطلـع بـدار ٍ تسكنـه بـنـت الاجــواد

إلـلـي لـهـا عقـلـي وقـلـبـي يـرفــا

يطـرد سـرابٍ مـالـه حــدود وابـعـاد

الـزيـن مطـلـب وزينـتـه لـــو يـوفــا

بالديـن والاخــلاق هــذا هــو الــزاد

ومـن طـب بحـر الحـب عقلـه يـرفـا

إلا الثقيل اللـي علـى الثقـل معتـاد

عقلـه لا شــاف الـزيـن مايستخـفـا

ماهـوب فـي زيـن الخـونـدات لــداد

ماهوب يظـرب كـف مـن فـوق كفـا

ولاهوب قايل عفت أنا الشرب والزاد