27-02-2010, 11:25 PM
|
| |
هدية
هديةٍ من قلب حاديه السهر
متبيتٍ لاهي سهود ولا مهود
رسالةٍ دقّت نواقيس الخطر
جاته بنص الليل والعالم رقود
ذبحتني في كلمتك بآخر سطر
يومك توصي بيح مني ياسعود
والله ثم والله يا اعز البشر
من دون زولك كن انا مالي وجود
حبك بقلبي مثل نقشٍ في حجر
مؤشره دايم صعودٍ في صعود
لاصرت عندي دايمٍ قلبي خضر
ولارحت مني تقلب الايام سود
ماوالله اسمع فيك عاذل لو هذر
حتيش لو حضر لي العالم شهود
انتي على ماقيل ماقل وندر
وشلون مابيحك وحبي لك بزود
ياواهنيي يوم جابك لي القدر
يادرةٍ صعبه تعين بالوجود
سعود الجوفان |