المشاركة الأصلية كتبت بواسطة اسايرها تعاندني

وش فيك تبكي فديتك يابعد عمري

حرام والله أشوف الدمع في عيونك

تعال حط راسك على صدري
ماجات ناسٍ على الدنيا يبكونك

فديت روحك وعمرك واااه لو تدري
انك في عيني طفل مابي يضرونك

امسح دموعك مدام أن اللقاء بدري
واضحك حبيبي ترى واجد يحبونك

ودي أشوفك هذاك اللى على خبري
تضحك وطير الفرح يغرد بكونك

الحزن قبلك ترى في دمي وحبري
وفالناس غير الحبايب لايهمونك

الليل توه وأخاف من الوله يسري
وانا من اول ابي فرقاه من دونك

خلك مابين الشعور الطاغي وشعري
وانسى جروحك ودمع العين وطعونك

أبيك تسكن بروحي وقلبي وفكري
اباخذك عن جروح الناس وصونك

الناس لو عاشت بطيبتك ياعمري
ماكان واحد تجرىء يبكي عيونك