السلام عليكم ورحمة الله وبركاته


اسعد الله ايامكم بكل خير ~



مثل ما انتم عارفين اننا عايشين في مجتمع كبير عريض فيه مختلف العقليات

في حادثة صارت مع امي في احد الايام وهي رايحه لاحد المجمعات هنا بالرياض

الحادثة هي : حرمه كبيرة في الاربعين من عمرها ماسكه ولدها وتجلده بدون سبب مقنع

عاد امي التفت عليها وقالت يابنت الحلال وش فيك على الولد شوي شوي عليه

وامي تبي تهديها قالت لها (هذولي احباب الله) وقامت ردت الحرمه على امي بس وش قالت؟



ليتها سكتت ابرك "


قالت لامي وبالحرف الواحد( انتي ماتدرين هذولي مو احباب الله هذولي سكن الله )


بالله شرايكم بتصرف ورد الام؟ وهل بيصدر من ام متعلمة وفاهمه...

وهل هي تبي تربي الولد تقوم تجلده قدام العالم

وماتلاحضون انها تهين ولدها قدام العالم ومن المعروف عليه انو الولد لازم قدر الامكان
نراعي اننا مانهينه قدام الناس ونعزز فيه الثقه والشجاعه لانه بكرة بيكبر وبيكون زوج

وهالزوج من كان صغير وهو مهزوزه شخصيته؟ فكيف بتكون شخصيتة مستقبلا كأب


الامر ممكن يكون عادي لما ام تطق ولدها بس لو نفكر في ابعاد الموضوع نلقاها خطيرة



~ ابي مداخلاتكم الحلوة ~ المشهد حضرته ووقتها ماقدرت استوعب <<

كتب بواسطة ~ همس الشفايف