21-02-2010, 09:47 PM
|
| |
69 شهر وانت هاجوسي..!!!
السلام عليكم ورحمة الله وبركاته ...
قصيدة تنشر لأول مرة للشاعر : عبدالله بن عبدالرحمن الحميدان ( المنسي ) والملقب بديرم .
تسعه وستين شهرٍ وانت هاجوسي
اشقيتني مع شقاي اللي كتبة الله
كتمت حبك واظنة صار محسوسي
يامشغل البال صبري طال خاف الله
قمت اخترع لي حبايب وانت مدسوسي
اخاف منك وعليك اقوال خلق الله
قلبٍ يحبك تحت رجليك مديوسي
حرام يانور عيني قلب عبدالله
افرح بشوفك والى من غبت هاجوسي
يزيد ويـبيّـن الخـلـة لخلق الله
لولا الحيا كان ضميتك وبالبوسي
من شفتك لرتوي والعلم عند الله
لاشك اخاف الفضيحة وهرجة انجوسي
لاتلحق المستحي حده دخيل الله
ديني ودينك سوا مانيب هندووسي
الجد واحد وحنا من عبيد الله
وسلامتكم |