تعاسة وضيق هالدنيا إذا شانت بنظرتهـا = تشوف أخطائها فيني وهي يا زين زلتهـا
تميرض بس تبغيني أداوي جرح علتهـا = تقول احمد مجافيها وهو من زاد لوعتهـا
عجيبة طفلتي الحلوة والأعجب زود رقتها = فديت عيونها الحلـوة وتفدانـي محبتهـا
وفيه وحيل تغليني دوى لجروحي ضحكتها = أنا وش لون أجافيها عذابي صوت شكوتها
صغيره وربي عاطيها حلا ويا زين طلتها = خجوله وحسنها قتال زرع فيني محبتهـا
كان ألجوري الأحمر تباهى فوق وجنتهـا = وغصن الياسمين يطل عليها بعالي جبهتها
وزهر النرجس الفواح تنامى حين مشيتها = وحب احمر من الرمان ذبحني بلون شفتها
وكحل بعينها صافـي خلقـه الله بمقلتهـا = يصوب من بعيد سهام تقل حارس لزينتها
قليل من الكثير اذكر ولا بوصل نهايتهـا = حسينه وربي عاطيها جمال الكون بخلقتها
ولا هذا بلا العاشـق بلانـا زود طيبتهـا = يزين بخلقها الأخلاق وربي زاد حشمتهـا
يقولون الهوى بلوه يا ربي تديـم بلوتهـا = ولا دام الهوى فينا تزيـد لقلبـي لهفتهـا