مجالس الرويضة لكل العرب - عرض مشاركة واحدة

#3 (**permalink**) 15-02-2010, 07:01 PM

ع طاري النجاح مسويه اهداء لناجحين والراسبين واهديلكم هالورد***

الف مبررررررررروك

السلام عليكم ورحمة الله وبركاته

أخواني وأخواتي الكرام هذي قصيدة عن النجاح ويسرني أن أهنئ جميع الطلاب والطالبات الذي حالفهم الحظ بعد توفيق الله واجتازوا هذه السنة الدراسية بنجاح

وأقول للجميع ألف الف الف مبروك ..

وبالنسبة لمن لم يحالفهم الحظ فأقول لهم خيرها بغيرها إن شاء الله

والعوض في الجايات , والقادم أحلا بإذن الله
الفرح طـِقـّت طـْبـوله وعمّ السرور
وماحلا ياليالي الصيف طعم النجاح

النفـوس امتلت يوم النجاح حبور
وانتشت عـقـب ماهي في جهاد وكفاح

يوم حفـل النجاح والحبايب حضور
والسعد بان بشفاه الخلايق ولاح

البلابل تغـّـنت مع جميع الطيور
والشجر قام يرقـص مع هـبوب الرياح

والعذاري بغنجهـن يشعلنّ البخور
والأماكن ملاها العطر والعطر فاح

ومرت الذكريات اللي بوقـت البكور
يوم كل ٍ على فاله يقـوم الصباح

آحد ٍ في سرور وآحد ٍ في دبور
آحد ٍ نام واحد ٍ طار نومه وراح

راح ينهل معين العلم والعلم نور
بين جد وحماس وبين ونس ومزاح

والله ان الدراسة ذكريات ٍ تدور
في زوايا خفـوق ٍ صار كبر البراح

كثرمافي الدراسة من وقـوف وعـبور
كثر مافي الكراسي من تعب وارتياح

ومرّت ايام وايام وسنين وشهور
ناس نالوا فلاح وناس مامن فلاح

وعـقـب طيّ الصحايف مابه أحْـد معذور
من توفـق توفـق وانتهى واستراح

ومن تعـثرّ عـساه اليوم أتلى عـثور
والعوض في الليالي المقـبلات الملاح

الحفـل تنحفـر ذكراه وسط الصدور
وكل ناجح لبس له يوم حفـله وشاح

كم وكم طفـل في عـمرالصبا والزهـور
ماقـدر يوصف بْشارة نجاحه وصاح

وكم بنات وشباب ٍ بالحماسة تثور
نجْحَوا وْكل منهم خف حمله وطاح

عمّت الفـرحة اشفاهـم وزاد السرور
واطلقـوا للوناسة والسعادة جناح

والله ان النجاح يفـوق وصف وشعور
وطعمه أحلا من الماي الزلال القـراح

في ليالي النجاح نشوف لهـفة حضور
وكل شي ٍ سوى اللي حرم الله مباح

ذاك زين الشباب وذيك بدر البدور
كل منهم تهلل واعـتلاه انشراح

ألف مبروك ياللي بالظفـر لك ظهور
ياعسى الله يدلك صوب درب الصلاح

ياعسى هالتخرج لك حجاب ٍ وسور
عن دروب الضلال وجعل دربك سماح

والفرح طِقــّت طـْبوله وزاد الحبور
وماحلا ياليالي الصيف طعم النجاح