07-02-2010, 01:22 PM
|
| |
اغلى البشر
لو جمعت الطيب فيها ما وفيـت
خصلة(ن) منها ولا حتـى ربـعْ
ولو ادوّر مثـل حبهـا مالقيـت
حبهـا وحـده يكفـي مجتـمـعْ
كل احساس الغـلا فيهـا قريـت
والغلا فيهـا وهـو منهـا نبـعْ
ما توفيها قصايـد بالـف بيـت
لان تحت اقدامها شي(ن) سنـعْ
تحتها الجنة واقـول يالله ياليـت
في جنان الخلـد معهـا أجتمـعْ
هذي أمي.. في كتاب الله تليـت
قدرها الغالي وانـا لـه مستمـعْ
تسعة اشهر صابرة شي(ن) مميت
ناسيه اوجاعهـا بطفـل وضـعْ
حضنها دافي يضم احلـى مبيـت
حبها دايـم وعمـره مـا جـزعْ
لو مرضت فيوم وحستبي عييـت
تسهر فليلـي وترعانـي بدمـعْ
والله ما انسى فضلها دومي حييت
لانها ربتنـي مـن يومـي ورعْ
ولو في خدمتها أنا عمري قضيت
ما يساوي جزء من ذاك الوجـعْ
استجب يالله يـوم انـي دعيـت
تحفظ أمي عـد مالبـارق لمـعْ
ناصر الشدوي |