مجالس الرويضة لكل العرب - عرض مشاركة واحدة

#1 (**permalink**) 01-02-2010, 08:05 AM

مـدخل :-

داريت شرهات البشر / وإجرحوني !!

من بعد ما كان الجفـا قاسـي شعـور
جيتـي وكـل جـروح قلبـي عرايـا

حفرت لـ. الذكرى وسط صدري قبور
عشـان تبقـى هالخفـايـا خفـايـا

وفي بسمتي بـ. أخش ما كان مستور
إليـن مـا جاتـك دموعـي سـرايـا

في غيبتك ما كنّ لـ. العالـم صـدور
ولابـه مكـان يضـم غيـر الزوايـا

كنت اسمع اللي تذبـل ورود وزهـور
وبغيابـك آمنـت بـ. ذبـول الحنايـا

ما جاك من لفحـة نسانيسـي قصـور
هذي علـى خبـرك عروقـي ضمايـا

تربعـي بيـن الحنايـا / ومشـكـور
قصيـد جابـك مـن بيـاض النوايـا

مكسور خاطر لو ماهـو بـ. مكسـور
دامك لـ. خطّـار الهجـوس العطايـا

ومادام ما لـ. الحكي بـ. مشاهدك دور
بسكت وغيضـي بالسكـوت الحكايـا

وتلثمـي لا يزعـل الصبـح والنـور
حتى الصباح يغـار مثـل الصبايـا !

إليا نسيـت أتذكـر عيونـك الحـور
تلقينـي أتخـيـل بــروق الثنـايـا

أكيد مـا أنسـاك لـو مـرت شهـور
ويمكـن تنسينـي سهـوم المنـايـا

وإذا نسيتـك حـي / أبكـون معـذور
لمّـا [ تكـذب بالوجيـه المرايـا ] !

يكفي لو إن ذكـرك متاهـات وعثـور
أنتـي لـ. ميـلاد السنيـن الهـدايـا

ويكفي لو إن القلب مظلـم ومهجـور
لمحـت لـ. العمـر برجوعـك بقايـا

وإن كان جيتي فاقـده قلـب وشعـور
تنحنحـي باقـي جروحـي عرايـا !!

م ـخرج :-

من بعد ضمّك نصيبك صرت مثل الماء
لا لون لا رائحه لا طعم / وأحتاجه !!