:::
أي والله أهوجس ولانيب مرتاح ~ لمحمد بن فطيس ..
::
دخيلك يا هوى الغربي ~,,لمحمد بن فطيس ..
::
طـــــــواري ليـــــــــل.. ~ لفيصل العدواني ..
6- اذا لم تكن شاعر .. هل لك محاولات في كتابه الشعر ؟!!
انا اكتب احيـآن ابـيـآت بس على قدي ..
ونـآدر ماتطلع .
7- لك مساحه بلآ حدود امتعنا بقصيدة على ذوقك ؟!!
اجل دام لي مسـآحه بلاحدود ابشرو بالي تبون ..
وتراني بطول عليكم .. بس ان شالله تنال ذآئقتكم ..
ـ ـ ـ ـ ـ ـ ـ ــ ـ ـ ـ ـ ـ ـ
لاضاق دربن فيك وش لك بممشاه
................ ... جنب طريقه والفيافي عريضه
دربن يوردك المذلــــــــــ ـــــــة بلاياه
................. .. شمس الخيار ولا ظلال الفريضه
الحر لامن ابرق الريش قزاه
................. .. عاف الديار وعاف عشه وبيضه
والناس كلن يجذبه ساس مجناه
................. .. مثل الشجر لامن تجدد بريضه
رجل اليا زلت بك الرجل تلقاه
............... .... حبل النجاة اللي بتوته غليظه
ورجل اللي قلة محايلك تنصاه
............... .... عزك يعزه وأنكسارك يغيضه
ورجل بساعاة الرخاء جاه ووجاه
............... .... لكن بوقت الضيق ماتستعيضه
مثل الغدير اللي حفظ ماه بشتاه
................ ... وأهلك ورودهـ في لواهيب قيضه
وللي زعل من خاطره لاترضاه
............... .... لاصار ماسويت شين يغيضه
والعفن لاتزعل على شان فرقاه
................ ... ترا الردي فرقاه ماهي غميضه
ومادام رزق العبد بيدين مولاه
................ ... وش حاجته لأهل القلوب المريضه
ـ ـ ـ ـ ـ ـ ـ ـ ـ ـ ـ ـ ـ ــ ـ ـ ـ ـ ـ ـ ـ ـ ـ ـ ـ ـ
طوفتها لك لاجل خاطر عين والأ ماتطوووف
وإلا مهما زاد وزنك وزني يطرحك انسمي..
صمتي يدل اني وفي ومسوي(ن) فيك معـروف
وصبري يدل اني من زحول الصناديـد انتمـي
ياقوم ياللي تذبحون الحيل قـدر(ن) للضيـوف
وش رايكم ف اللي يعشيني من وصال لحمـي؟
وقفت له يوم اجلسو واجلستله ناس(ن) وقـوف
غير الذخيره والفشق في محزمه مـن محزمـي
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
على كف القدر نمشي ولا ندري عن المكتوب
عبارة كنت أرددها صدق من صاغ معناها
مشينا دون لا ندري وشربـنا من بـلاهـا كـوب
وهـذي حال هالـدنـيـا رمـتـنـا مـا رمـيـنـاهـا
تضحّكنا تبكّـيـنـا تـمـشـّيـنـا على المـطـلوب
على كف القـدر نـمـشـي دروبٍ ما رميناها
من الكاسب من الخاسر من الفايز من المغلوب
مع الأيام تـحـصـــــــدنـ ا وحـنـّا ما حصــــــدنـاهـا
وأنا واحد من الآلاف أعيش بعالمي مرعوب
أحس الأرض مهزوزة من أدناها لا أقصاها
نظرت الناس من حولي وكم بالناس من منكوب
حوادث هزّة الوجـدان أجـل بالعـيـن شــفناها
ألا يا عـمـري الفاني ألا يا حـقـي الـمـسـلـوب
متى عـيـنـي بليل الياس حلـــو النوم يهـنـاها
متى حظّـي يحالفني يصحّح وضعـي المـقـلـوب
يعـدّل قسـوة الأيام وغلطة ما ارتـكـبـنـاهـا
ـ ـ ـ ـ ـ ـ ـ ـ ـ ـ ـ ـــ ـ ـ ـ ـ ـ ـ ـ