21-12-2009, 10:13 PM
|
| |
رد: || ... عضو في ضيافه قوافينا الشعريه ...||
الفجر البعيد اشكرك على اختياري واسف على التاخير
1- مامدى علاقتك بالشعر ؟!!
علاقتي بالشعراستمتع بقراءته واستماعه
2- من هو شاعرك المفضل ؟!!
سعد بن جدلان + عبدالرحمن بن بديع
3- اذكر الأعضاء الذين تثق في ذائقتهم الشعرية في منتدانااا ؟!!
كنق الفياض + فيصل
4- بيت شعر يحضرك دائما ؟!!
الى صفالك زمانك عل ياضامي
اشرب قبل لايحوس الطين صافيها
5- قصيده تعدها من اروع القصائـد ؟!!
ياللي على شان معكازي تبين لـي=رجلي على حالها وانا على حالـي
والكسر ما هوب في رجلي علي كلي=وانت السبب في الغرابيل اول وتالي
تكفي مراسيلنا العجلات يـا خلـي=عن مخذ الاخبار والا شوف الازوالي
قلبي وقلبك توصل لك وترسل لـي =والله انها اشد من موجات الارسالي
ردن سلامي عليك وجن وقالن لـي=انك ترحب وانا في خاطرك غالـي
ليت الغرابيل جتني من عـدو لـي=إن ما تقاضيت والا بيتقاضـى لـي
لكن من واحـد ذكـره غنـاة لـي=ما زلت احبه,, وابا احبه ولا ابالـي
لامر طـرق بخدراتـه سـلام لـي=كنه يسلـم علـي بصوتـه العالـي
خلوني اسج عن موضوعه احسن لي=والا الغلا,, والله ان يبطي هو غالي
6- اذا لم تكن شاعر .. هل لك محاولات في كتابه الشعر ؟!!
للاسف ماني شاعر ولا لي اي محاوله في كتابة الشعر
7- لك مساحه بلآ حدود امتعنا بقصيدة على ذوقك ؟!!
ياسعود يامشكاي ويـن التدابيـر = لاتشتكي جور السنيـن وشطفهـا
جور السنين يحل ويمر ويصيـر = راجع زمانك واكثر الناس شفهـا
الناس لاحقها من الوقـت تاثييـر = وتصبر على باس السنين وصلفها
تميل ميلات المقادير وتغير= وان وصفت بتعذب اللي وصفهـا
فحرص على قرب الرجال المناعير = اللـي دروب المرجلـه تحترفهـا
تلقى بخوتهم معـزه وتقديـر = ومجالسٍ مادنسـت مـن عرفهـا
تاقف معك لو همك اكبر من النير = وبعزمها حتى الصعاب اتعسفهـا
ولا قدر الله ثم رمتـك المقاديـر = الرجل منهـم وقفتـه لا وقفهـا
تسوا لها فزعة صفوف وطوابيـر = ماهوب لا شاف الصمايل حرفهـا
يقلط على الشده كما سالم الزيـر = وتامن به الديره وهو في طرفهـا
لامازهمته قام يشتح كما الطيـر = لاضف جنحانـه وكفـه عكفهـا
واهل الردى مالك وراها مداويـر = جنب مجالسهـا وجنـب ولفهـا
لو اضحكتلك في السنين المياسير = لابد في وقـت القسـا تكتشفهـا
تفِرح بك الشمات لو ذنبك اصغير = وتحتار في اصغر غلطةٍ تقترفهـا
ويصير همك كبر هضبة شمنصير = لكـن جنـب معرفتهـا وعفهـا
لانذال رفقتها مهونـه وتقصيـر = وتِكثر عنا نفسك وتكِثر حسفهـا
فالرفقه اللي ماتدلك علـى خيـر = آللّّـه يلعنهـا ويلعـن جدفـهـا
ولا تـرادع جاهليـن المحاضيـر = ولو تعترض لك كلمة اللاش طفها
واحفظ السانك لو بلوك المعاثيـر = الكلمه اللي دون ميـزان خفهـا
يجوز ترمـي كلمـة دون تفكيـر = واصبح سودان القلوب اتخطفهـا
واصدر لياما عفت صدارت ابعير = لاترتجيها 00 واطلب الله خلفهـا
وترا النصيب يصيب مافيه تغيير = لو تجبد امواج البحـر وتغرفهـا
وعذر الرجال الطيبه خله ايصيـر = ابيـك تعذرهـا وتقبـل آسفهـا
العذر يقبل لاحصـل فيـه تبريـر = امن الرجال اللي صريـحٍ هدفهـا
في كل شي قد تجـوز المعاذيـر = الا على اعراض الرجال وشرفهـا
اقولها وانا الـذي سلوتـي غيـر = البعد عن ضيق البيـوت وكنفهـا
واسج في خبت كستـه النواويـر = حيثه ظفر روحي وحيثه نصفهـا
واسواق الاسهم والذهب والدنانير = لو سلموها في يـديّ اصطرفهـا
ينوبها ملحاٍ من ابـل المناصيـر = ارعابها زهر الفيـاض وقطفهـا
اختار بعدي كنق الفياض
 |