25-12-2009, 08:45 AM
|
| |
Panini (7)
PANINI
هالساندويتشات اخذت فكرتهم من مطعم بنينوس 
مره رووووووووعه للتقديم وتقدرين تبدعين فيهم مثل ماتحبين 
اول شي صلحي عجينتك المعتمده للفطائر <== انا زدت عليها شوي اوريغانو وبابريكا
بعد ماتخمر افرديها بس لاتنحفينها مره وقطعيها مستطيلات او الشكل والحجم اللي تبغين
وحطيهم بصينيه واتركيهم برضه يتخمرون شوي فيها
وادهنيهم بشوي حليب ورشي سمسم على بعضهم واذا حبيتي ترشين حبه سوداء حتى تفرقين بين الانواع
ودخليهم الفرن حتى يتحمرون من تحت وحمريهم من فوق بس مو مره خليهم فاتحات لانه بترجعين تحطينها بالتوستر
اذا طلعتيهم اكتميهم بحافظه او غطيهم زين وابدي جهزي الحشوات ..
اول شي خوذي الفطيره واقسميها بالنص بالسكين
بالنسبه لحشواتي كانت :
1/ شرائح صدور دجاج منقعتها بليمون وثوم وزبادي وبهارات
وشويتها عالشوايه
دهنت الفطيره بصوص السيزر الجاهز وحطيت عليه الدجاج بعدين حطيت عليهم جرجير
2/ جبن قشقوان مبشور مع بيزل - الريحان الكبار -
3/ دهنت الفطيره بصلصة البيتزا وحطيت عليها جبنة تشدر مبشوره وفلفل الهالابينو
4/ دهنت الفطيره بصلصة البيستو الجاهزه وحطيت عليها شرائح جبن حلوم وطماطم
قبل التقديم حطيهم بالتوستر واكبسي عليهم حتى يتحمرون وياخذون الخطوط
واذا حبيتي قصيهم من النصف ورتبيهم بصينيتك وقدميهم
من جد خطييييييييييرات وماينشبع منهم ابدا
 |