24-12-2009, 10:20 AM
|
| |
انتــــ تامر وانــــا البى ماتبــــــى
 بسمـــ الله الرحمنـــ الرحيمــ صباااااح ومساااااء الخير ....  vvvvvvv vvvvvvvvvvvvvv vvvvvvvvvvvvvvv vvvvvv
جمع اللي ودك تقوله وبعثرني عتب
الملامه شي عادي دامها منك وجاي ..
انت تامر وانا البي ماتبي بليا سبب
بس كان لجيتي خاطر تلبي لي رجاي ..
رجوتي لاتلحق عيونك مشاريه الهدب
لاتضايقه بدموعك والتفاتتك وخطاي ..
كل شي الا دموعك واعرف انك من شطب
صفحة الطيش بحياتي وابتدأ صفحة شقاي ..
سق فديتك كل ماتملك من جنون وغضب
وابشر بصدر يضمك حيل دامنك هواي ..
ولارويت عتاب ناظرني و قل : (طاح الحطب)
واسأل شرايك؟ وابنسجلك من الاعماق راي ..
باتناثر لك رضا واحساس صادق ماكذب
وانت رتبني على كيفك وشكلني برضاي ..
وان تلعثم بي حضورك ثم نطقني لك تعب
حاول انك تسمع اشواقي وسط {تنهيد ناي} ..
اسمع دموعه!!وقرب لي وقرب وأقترب
وأسأل عيونك عن طيوفك؟ وقصتها معاي ..
كيف كانت في غيابك فجأه تطري واغترب
أركض لمنفى خيالي وأرمي الواقع وراي ..
اوجدك مابيني وبيني واسولفلك واشب
ليلة حضورك قصايد تشتكيلك من عناي ..
آه لا منه بزغ فجر الحقيقه وانسحب
طيفك اللي ساكن عيوني وضاقت بي سماي ..
وقتها ليتك تحس شعور من (حظه ضرب
اخر اماله بعرض الهم) والوحده مداي ..
اكتشف وشلون يموت الصوت برماح الطرب
لحظة جيت أتغنابك وعاندني غناي !!
واكتشف كيف السهل فجأه يتحول لي صعب
لانويت ابكيك ثم ازريت القابي بكاي !!
(اقسم بربي وربك) فيني احساس غصب
كل كلي في غيابك ينجذب لك ياهناي ..
مانسيتك لو نسى التاريخ امجاد العرب
وماتركتك الا بين ضلوع صدري و بحشاي ..
لأنك أكبر من غلا الشاعر لآخر ماكتب
ولأنك أقرب لي من سكوتي إذا عانق شفاي ..
ولانك اول من تمكن بي وعلمني أحب
ولأنك الشخص الوحيد اللي يجي في مستواي ..
صاحبي جمع كلامك ثم بعثرني عتب
والله ان كل شي عادي لاغدى منك وجاي ..
 |