18-12-2009, 02:03 PM
|
| |
جمرتين
هزّي الغصن لانامت طيور الحمـام = الشتاء طال وآنـا مانسيـت وعـدي
بارد الليل حرّك جمرتيـن الغـرام = لين ذاب الجليد وسال معْـه شهـدي
ذعذع الشوق والدنيا بعيني الظـلام = والوتر جا ينادينـي وجيـت آعـدي
في خيالي كلام وفي لسانـي كـلام = يشعل الليل ويسامر بريـق الجـدي
ليه أقول السهر ياشوق لجلك حرام؟! = ليه وانتي هواي وعزوتـي وبلـدي
نامـت العيـن ولاجعلهـا ماتـنـام = دامها عامره بك والقلـم فـي يـدي
والله اني لاصحّي الورد تحت اللثام = لين يزهر لك بساط الورق لحمـدي
خلّي احلى البنات تقول لك ياسـلام = ماكتـب هالكـلام شويعـرٍ مبتـدي
ايه قولي لها انـه شاعـرٍ مستهـام = يكتب الحرف والجرح بخفوقه نـدي
يعشق الريح لاجاته تـزف الغمـام = وان تمايل له النرجس يقول إبعـدي
لجل عيني كتب وآنا لبستـه وسـام = وانحنيت احترام وقلت لـه سيـدي
</I>
عبدالله عبيان
|