للحفظ
مبدا مسيرة هاجسي قمة طويق=مانيب اعديها نحور الوسيقه
يانجد يام المجد ما قلت ماطيق=فيك القوافي وافتخر بك عشيقه
يانجد مجدك فوق روس الشواهيق=بينك وبين المجد واهلك وثيقه
لجلك كتبت الشرد وآغيب وآفيق=وتشب لجلك في ضلوعي حريقه
ماهو غريب الطيب عند المطاليق=اهل الهقاوي و اليدين الطليقه
بين القويعيه وبيني توافيق=نسل السباع الضاريه والمويقه
دار الرخاء والجود واهل الطواريق=دار الشدايد والزحول العريقه
الضيف لاجا عندهم مالقا ضيق=قدامه ارحب والمعزب رفيقه
ماجودا للضيف قفل الصناديق=فكوا قفول والطيب واعلن بريقه
مايطردون الدنفسه واللاماصيق=كلن يسابق للثريا شقيقه