11-12-2009, 12:47 PM
|
| |
كب كيك الـجـزر ((4))
كب كيك الـجـزر
ماتتخيلون طعمه كيف طرررررررري ولذيييييييييذ والفروستينغ اللي فوق قااااااااااااتل  
اول مره صلحته كنت باخذه لعزيمه عند خالة ابوي <== متهوره 
ومن زود الثقه مافكرت اذوقه قبل لا نطلع لاني كنت مره مستعجله وتأخرت فيالله زينته وطلعنا
وكنت متخوفه من النتيجه قلت الله يستر لا يفشلني 
وقررت انه احطها باختي ان ما اعجبهم الطعم بقول هي اللي مصلحته
بس الحمد لله حقق هالكيك نجاح باهر الكل اعجبهم مررررره واخذوا طريقته وماصدقوا انه بالجزر 
المقـاديـر بالاكواب المعياريه ::
علبة خليط كيك بيتي كروكر اصفر
ثلثين كوب ماء
نصف اصبع زبده لينه
نصف ملعقة شاي قرفه
رشة جوزة طيب <== ممكن تستغنين عنها
2 ملعقة شاي فانيليا
3 بيضات
كوب جزر مبشور
ربع كوب مكسرات مجروشه - لوز او عين الجمل او كاجو -
الطـريقـه ::
لبسي قوالب الكب كيك بالورق و سخني الفرن على درجة حرارة 350
بالعجانه او الخلاط اليدوي اخلطي خليط الكيك + الماء + الزبده + القرفه والجوز والفانيليا + البيض
اول دقيقه على سرعه بطيئه بعدين دقيقتين سرعه متوسطه
بعدين اضيفي لهم الجزر والمكسرات وقلبي بالملعقه
صبي الخليط بقوالب الكب كيك
ودخليه الفرن بياخذ تقريبا نصف ساعه
طلعيه وغطيه بفوطه واتركيه يبرد براحته ...
الفـروستينـق ::
علبة جبن فيلادلفيا 200 جرام
ملعقتين كبار زبده لينه
شوي فانيليا
3 ملاعق كبار حليب سائل
اخلطيهم بالخلاط اليدوي زين بعدين بالتدريج اضيفي لهم كوبين سكر بودره
وعلى فكره من الافضل انه تستخدمين السكر البودره الجاهز لانه يجي ناعم مره مو مثل المطحون بالبيت مهما نخلتيه ماينعم مره
واخلطيهم زين واذا حسيتي انه يحتاج زيادة حليب زيدي
وشكليه فوق الكب كيك بالطريقه اللي ترغبين
وبالعاااااااااا افيه 
اللي بالصور مصلحتهم بسكر البيت فطلع فيه شوي قرمشه ماذاب مره
طعمه لذيذ بس مو زي السكر الجاهز
 |