08-12-2009, 02:01 PM
|
| |
يادكتور
قصيدة قديمة للشاعر محمد بن فطيس لكن قصيدة جميلة جداً وتستحق القراءة .
قالها أثناء رحلة علاجية في مملكة البحرين عند دكتور عيون مشهور هنا ك يسمى ( مؤمن الريفي) (يامؤمن الريفي )أنا جيتك زبون
جيتك على مدحأ كثر الناس وعنيت
جيت وتعالى الله عمّا يشركون
لولاه (يامؤمن) لطبك مااهتديت
راضي بحكم الله علي مهما يكون
عالج عيوني لو بعد طبكـ عميت
ودي أخاشر فالبصر من يبصرون
وأشوف دربي لا سرحت ولاضويت
واذا قنصت أثبت مع اللي يثبتون
واشوف طيري كل ما اوميتودعيت
يااكثر ما يضرب خويي (الطابلون)
من كثر ما أكلّته مطباّت وكليت
ودي أشوف اللي علي يعرضون
وبعض الليالي ودي أسري دونليت
واشوف ناس ٍ فالقفا ما يرحمون
أما وقفت لصاحبي والا مشيت
من دون نظارة ولا هم يحزنون
ياكـثر ما كسّرت كشمات وشريت
لكنٌ يا دكتور جعلكما تهون
أبغيك كلمة رأس دامك ما بديت
أسمع......ولا ابغي اللي بجنبكـ يسمعون
ربي كتب يكشف لك أسراري وجيت
صورة عديل الروح عندك فالعيون
وأخاف تقطعها بموسك ما وعيت
ولا عليك أمر..أطوها تحت الجفون
وعقبه لو تقطع عيوني ما شكيت
هي رأس مالي والعرب ما يدركون
أني على باب الممات و ما حكيت
ياقو قلـــــبي يوم قفن الضعون
اللي على ذاك الموادع ما بكيت
ويا صبر صبري والعواذل يحسبون
أني دلهت من الهوى والاسليت
أسكت عساهم من سكاتي يسكتون
وانا عن اللي في ضميري ماانتهيت
وأدور الفرحة مع اللي يسهرون
أن ذكروني خذت فنجال وسريت
أخذت من وقتك يا دكتور العيون
عالج عيوني لو بعد طبكـ عميت
واستر علي واللي معك لا يفطنون
أنت الوحيد اللي بعد ربي دريت (( محمد حمد بن فطيس )) </i>
|