مجالس الرويضة لكل العرب - عرض مشاركة واحدة

#1 (**permalink**) 06-12-2009, 02:09 AM

تعرفون قصيدة عبدالرحمن الشمري شاميه هاه فيه شاعر رادن عليه فيها بقصيده

اطلق من حقت الشمري ....

اسمه ملفي بن عون .............. وهاذي قصيدته ....

يادحيم لوشفت غرون ضاق فستانه

بين تفاصيل جسمه نعنبو حيه

مدري يبا السوق والا بيت جيرانه

والناس مع ساقته راكب ورجليه

تمشي على هونها ما هيب عجلانه

وثنتين معها ولا هيب عندها شيه

مرت وهي بالوسط ما هيب طرفانه

هي الطويله وهنه اقصر شويه

اللي على يمينها يادحيم هلكانه

طرت علي مجاعةاثيوبيه

واللي على يسارها تقل مرضانه

في كف جوال والثاني مداليه

تاخذ وتلخص وفمها فيه لبانه

تقول تمشي على نغمات غربيه

تلد بعيونها لو مالها خانه

والقلب ماهوب فندق للرومنسيه

ماجاب من طرق الهجيني غير من شانه

مياسةن كنها بالوصف حوريه

القلب سلم لها مفتاح بيبانه

حوريتن بين جنيه وجنيه

لاهي نحيفه ولا بلحيل مليانه

ريان عوده وعنقه عنق ريميه

يوم اقبلت شفت رمانه ورمانه

رمانتين بوسط القلب مخفيه

كن النحر لوغطى نصفه بكتانه

قدحت فلاش المراسيم الاميريه

ولحظه تعدى الموت بلوانه

تحت العبايه لها هزات جزئيه

منها خطوره على زنده وسيقانه

استغفر الله عذابن للهاواويه

اللي على الموتر وقف على شانه

واللي تبعها بلاغتره وطاقيه

حتى اليماني طلع ما صك دكانه

اعذر بقشه ولا سكر توجريه

يادحيم قلبك تولع يم لبنانه

وش لون يالشمري لوشفتها هيه

ماهيب شاميتن دقت وغلطانه

لا والله الا هينا بالسعوديه