05-12-2009, 06:27 AM
|
|
ღ وش جايبـك .. والحـب بيـدك قتلتـه .. ღ ماضي ..وعدّى وإنقفل للزمـن بـاب
وش جايبـك .. والحـب بيـدك قتلتـه ..
.
إن قلت ناسي .. بقول أنـتْ كـذاب
إسألْ حنينـي .. يـوم رحـت وجهلتـه ..
.
رحت ..ونبت زرع القصايد على كتاب
والجرح مدري ..كيف منك احتملته ..
.
ماكني الا .. ضيف والدمـع ترحـاب
ليتـك ..وصلـت بـ حالتـي ماوصلتـه ..
.
وش رجعّك .. لاتقول هالشـوق غـلاَّب
عـذرك .. اذا هـذا تـرا ماقبلتـه ..
.
لانْ السهر ..عشعش على روس الأهداب
وثقل الألم .. من فوق الامتـان شلتـه ..
.
تركتني ..مطعـون ملتـاع منصـاب
شف صورة الذكرى .. وشف مـا عملتـه ..
.
أكرمتني بالصـد .. وأنـواع الأتعـاب
طيب .. أنا هو فيه شي بخلتـه ..
.
كانت سوالفنا .. بضلعي لهـا أطنـاب
وليل الغلا .. لاجيت قمـت وشعلتـه ..
.
لبَّستـك ايـام الولـه ..عطر و ثـيـاب
وبالي على ..أحضان اللقا كـم شغلتـه ..
.
تدري وش أصعب شي مابيـن الأحبـاب؟
إنه ..يهون بناظـرك مـن جعلتـه ..
.
واحد ..ويسوى كل ربعـك والأقـراب
والمستحيل .. الصعـب لأجلـه فعلتـه ..
.
لاتقول لـي حنيـت .. والحـب ماغـاب
الحـب .. قبـل تـروح بيـدك قتلته ..
مما راق لي رقـيـق الـمـشـاعـر |