05-12-2009, 05:53 AM
|
| |
طب لي تطيب الحال يا طيِّـبْ الفـال .. والاّ تكـرّم حـب غيـري ودعـنـي
عذِّبْ رعـاك الله يـا سمـح الأقبـال
ربي على كف الغـلا لـك وضعنـي
إن رحت بثياب الجفا البيـض تختـال
رحب الفضا اللِّي واسع ٍ مـا وسعنـي
غريب حب وشفت أنا منـك الأهـوال
هـمّ ٍ ينّزلـنـي وهــمّ ٍ رفعـنـي
بعدك يضر الحـال ويضَيِّـقْ البـال
وقربك أبد طول الدهـر مـا نفعنـي
أتبعـك راحـل يـا حبيبـي ونـزّال
حـبٍ يريضنـي وحــبٍ دفعـنـي
معك أنت درب الصبر يا صاحبي طال
حـظٍ يقربـنـي وحــظٍ منعـنـي
راح العمر بيـن التصـدِّدْ والإقبـال
ومدري وش اللِّي يا هوى البال تعني!
طب لي تطيب الحال يا طيِّـبْ الفـال
والاّ تكـرّم حـب غيـري ودعـنـي
أما استدار الوقت من حال لـى حـال
الاّ شريتـك كـل مـا قلـت بعنـي
أسقيت من مرْ الصبر زهـر الأمـال
والحظ بك يا صاحبـي مـا جمعنـي
وقّفْتني في حدْ شمـس ٍ مـن اظـلال
عصيتني قبل أمـس وتقـول طعنـي
ما والله أسمع شـور ناصـح وعـذّال
وأنا إن شكيت الحـب محـدٍ سمعنـي
|