السلام عليكم ورحمة اللة وبركاته
تحيه طيبه وعاطره للجميع
يسعدني ان اهدي لكم هذه القصيدة
والتي تشرفت بالقاءها امام صاحب السمو الامير / سلطان بن محمد بن سعود الكبير ليلة امس
وذلك في حفل (الجائزه العلمية لأبنا قبيلة السهول )
يوم السبت الموافق 13/2/1428هـ
جاني خبر عاجل ولا فيه تأخير = ورتبت انا الجزلات هذي وذيه
حان القصيد وزرفلي يا التفاكير = دام القريحة بالمواقف جريه
لابو قصيدٍ ما يهز الجماهير = بعض القصايد مالها جاذبيه
لا صار ما تارد على جمة البير = مانيب اعني للهزيله يديه
انقد قصيدي مثل نقد الدنا نير = وانقحه عن كل زله وسيه
واقطف من البستان ورد ونواوير = وارتب ازهار النفل مزهريه
شاعر واسوق اركاب فكري طوابير = واثق وزود مع الثقه معنويه
ارقاء واشرف فوق ابانات والنير = وارتب افكار القصيد برويه
واكتب معانيها على جل تصوير = واقول خلو بدعت القاف ليه
بسم السهول اهل الوجيه المسافير = ربعي هل الطالات واهل الحميه
يامرحباً واعداد ماغرد الطير = واعداد ماهبت هبوبن عذيه
وعد المزون اللي تهامل شخاتير = ترحيبةٍ معها نزف التحيه
حييت يانسل الشيوخ المناعير = ياصامل الوقفات زبن الونيه
سلطان سلطان السعد فالمعاسير = مدت يدك ديمن قفته ابرديه
سلطان غير ودايم اهل الوفاء غير = تعجز بحور الشعر والأبجديه
في وصف ابو نايف بعيد المشاوير = المنفرد دايم على الأولويه
اول مزاين سطرته الأساطير = بسمك يابو نايف ولا فيه زيه
راسك يشوش امن الكرم والسعاطير = وزودن على الثنتين لك قابليه
يامير لو بأكتب مية بيت يامير = وازيدها ميه وميه وميه
نذرن علي انها تخون التعابير = لأنك بحر والوصف عندك بليه
تعجز تعبر عن غلاك التصاوير = يا بو اليدين الطايلات النديه
كفين منها القاع يصبح مزهاير = ومن قبلها كانت خلا جرهديه
يا أمير لك وقفه وحشمه وتقدير =اغلاك ربك وانصفوك البريه
حزت المعالي يشهدٍ التقادير = يياعسف الصعبات عسف المطيه
لشوفة جنابك جيت اسوق التباشير = واقف معى ربعي هل المقدريه
يشهد لهم من ثبت الحق والخير = عبد العزيز اللي طواريه حيه
يعل نفسن ما تنومس زمهرير = مشاركة ربعي لزومن عليه
والخاتمه يامثمنيين التعابير = تقبلو جزل المعاني هديه
وسلامتكم