مجالس الرويضة لكل العرب - عرض مشاركة واحدة

#1 (**permalink**) 27-11-2009, 01:38 PM

لا صار جدك ما ترك لك ملايين

ما فيه داعي تشتري له ضحية

قل له يا جدي جعلك من المناجين

والله ما تسوى قيمة البربرية

تركتني للدين ومصارع البين

ومن زين طبعك كاتبٍ لي وصيه

لو أنت ماخذلي من الأرض شبرين

يوم الأراضي بلاش وسط العليا

إن كان يمديني من أهل الدكاكين

مطنطخٍ هالحين مية بمية

لكنّ يا جدي ضحيّتك بعدين

وان سهّل المولى ثمنها عليه

حنا بوقتٍ شين واشين من الشين

فيه الخوي ما عاد يامن خويه