25-11-2009, 05:13 PM
|
| |
ظلم الغريب أهـون
ظلم الغريب أهـون ولا ظلـم الاقـراب
لان الظليمـه مـن قريـبـك مصيـبـه
وعيب القريب اصعب من عيوب الاغراب
لان القريـب يعيبـك الـلـي يعيـبـه
والله مايـذبـح طويلـيـن الاشـنـاب
غير القريـب اللـي طعـن فـي قريبـه
عقب القرابه والغـلا صرتـم احـزاب !
ولا حد ٍ جنى مـن فعلتـه كـود خيبـه
بالله لايكثـر , تـرى خاطـري طــاب
مليـت مـن كثـر الجـروح العطيـبـه
الفرق واضـح بيـن صـادق ونصـاب
والحـق يطلـع لـو يـطـول مغيـبـه
وان كان فالدنيا محـد حاسـب حسـاب
فـالآخـره رب ٍ خلـقـنـا حسـيـبـه
وانـا قسـم بالله . لايمـكـن ارتــاب
ولا حـب هـرج ٍ فيـه نمـه وغيـبـه
حـب اقـول الصـدق حتـى لـكـذاب
واحـب اجـازي مـن غمرنـي بطيبـه
وإلا الـردي لـه عندنـا حفنـة تـراب
وان غـاب ماقلنـا عسـى الله يجيبـه
بـس انـت ياليتـك تفكـر بالاسبـاب
لان الظليمـه مـن قريـبـك مصيـبـه
|