السلام عليكم ورحمة الله وبركاته
مصافحه أولى اتمنا ان تنال ذائقتكم
شيلة للقصيده اداء ( القير )
ياهاجسي وش تحرا قامت الهده=انشر سلاحك مثل جيش السعوديه
تحرك الجيش والقادات والعده=في ساعتن ترخص ارواح السنافيه
من حايل اليا الخبر من بيشه الجده=الشعب مطنوخ و القاده شقرديه
على حدود اليمن الاعصاب منشده=دون الوطن جنه وسبعين حوريه
اللي تعدا حدوده مامسك حده=في سلمنا نجزي السيات بالسيه
ظابط وجندي ولد سلطان من يده=مدفع ودبابه وكبترعموديه
حثالتن في جبل دخان مرتده=حوثيتن تستعير البوس حوثيه
الحوثي الخبل مادور على قده= عنزن تناطح جبل بقرون عاريه
يالعنبا دابر الحوثي على جده=يالعنبا الداب الاسود وامه الحيه
وسمين في غارب الحوثي وفي خده=وسم الغدر والهزيمه نارها حيه
عدونا لوتطول الحرب والمده= ماشاف غير المهونه والمحقريه