يـاهـواة الطبـيـعـة دون جـــو غـشـيـش
في رويغب هواءَ صافي يجيـب انتعـاش
يارويـغـب ســلام ويــا رويـغـب تعـيـش
يا رويغـب تعيـش وكـل مـن فيـك عـاش
فيـك نـاس سهمـهـم فاللـقـاء مايطـيـش
كــل رجــال يـقـدم مــا يجـيـه أرتـبــاش
فــي نـهـار الـوغـا مايركـبـون الكـديـش
يركـبـون الاصـايــل للـمـلاقـى عـطــاش
من غزاهم بجيشـه راح جيشـه طشيـش
يطحنـون المعـادي ليـن يصبـح خشـاش
من زمان مضى في وقت ضعف المعيش
رجلهم من كرم لا شاف له ضيف شاش
للـرفـاقـه وللـجـيـران وجـهــه بـشـيـش
ما بقلبه سـواد أبيـض كمـا لـون شـاش
ليش أرافق هل المعـروف تـدرون ليـش
رفقـت الطيبـيـن أتـسـر وأحــزام جــاش
والقبايـل نعـم وأعـداد مـرمـش رمـيـش
كـل طيـب يـعـرف العـلـم والــلاش لاش
لاش مهما حصل ما قلت لـه مـا عليـش
والـوفـي لاخطيـنـا يـاخـذ الـعـذر كـــاش
يارويـغـب ســلام ويــا رويـغـب تعـيـش
يارويـغـب كــذا الـسـكـان وإلا بـــلاش..
الشاعر / نواف بن نايف القاع العتيبي