مجالس الرويضة لكل العرب - عرض مشاركة واحدة - أبنسى مصدر احزاني .. وأكتب للفـــــرح ميــلاد

#1 (**permalink**) 12-11-2009, 11:13 AM

أنـام الليل مع همـي .. و اعــود نفسي المرقـــاد

وأهــونها على نفسي وكتف الهم .. اطبطبـــها
*******

أنام وأترك أحزاني .. سهيــره مايجيها سهـــاد

تراعيــني طــوال الليل .. كأني من حبايبـــــــها
*******

وأصحى والحـزن يمي .. يعمر في السرير بـلاد

و الم مبعثر احزانــي ..و فـ/ الدولاب أرتبـــها
*******

و ابدأ بالذكر يومــي .. وركعاتن على سجـــــاد

عســى ربي يثبـتــني .. ونفسي لا يقـــلبــــــها
*******

واشرب قهوتي مره .. فيها سكرن مافـــاد

و ازيف بسمتن حلوه .. على شفاهي و اجربها
*******

وآخذ جرعة آمالي .. و رشه من عطــور إسكــاد

و اجمل عيني بكحلي .. قبل دمعي يخربــــها
*******

وتبدأ حصتي و اشرح .. و اتعامل مــــع الأعــداد

وأنا من داخلي أصلآ .. أعد همومي واحسبها
*******

رغم همي رغم حزني .. ورغم انه نصـــابي زاد

عطيت بجد واخلاص(ن) ..وروحي كنت احاسبها
*******

أبنسى مصدر احزاني .. وأكتب للفـــــرح ميــلاد

وأراجع كــل حساباتي .. أصفيــها وأهذبها
*******

عصاني وقتي أو راضي .. أنا وش همني وش عاد

تكفيــــني طموحاتي .. من الدنيا ومطالبـــها
*******

نعــم .. تكفيني آمالي .. معاها للفرح ميعـــــاد

معاها .. بـ/ انهي الصفقه .. مع همومي واخربها

مماراق لي