مجالس الرويضة لكل العرب - عرض مشاركة واحدة

#**2013** (**permalink**) 10-11-2009, 06:58 PM

الذيب الامعط مايهرول على مـاش"="لا تفرحيـن الياعـوى ياذيـابـة
ياصاح توّه شاعر الحـب ماهـاش"="سود العواصـف ماتحـرّك ترابـه
قضيت عمري بالشقا رابط الجاش"="عيبٍ على مثلـي تهـزّه صبابـة
على اللحايس شامخ الراس ماعاش"="اموت جوع ولا انتخـي بالزلابـه
انا الذليل اللـي للاحبـاب فـرّاش"="وانا العزيز اللـي عـدوّه يهابـه
وانا العديم اللي بالا كوان هـوّاش"="وانا القصيد اللي زمانه شـدا بـه
أوزّن المعنـى بمنظـار رشّـاش"="واشكخ عمود البيت واكرب طنابـه
واقلبي اللي بالوفا كنّـه الشـاش"="مايدري انّه عايـشٍ وسـط غابـه
حلفت ماقعد مع هوى البال بفراش"="حتى غدير الروح يصفـي شرابـه
وحتى يبيّن من هو الشيخ والـلاش"="في هالزمان اللي وجيهـه تشابـه
والذيب الامعط مايهرول على ماش"="بس اصبري له ياقطيـع الذيابـه