رد: شاعر الوصف /سعد بن جدلان الاكلبي ملف متكامل
ابن جدلان ادخل على امك وابوك
يا اللي الى جيت شي تكمل اوصافه ***واللي بلياك ما تهواه الاخلاقي
ترى صوابي لجى وابطيت بسعافه ***يامنجح الكي لا تلحق على الباقي
عامين والقلب من فرقاك ملافه ***لف اشهب اللال عشبٍ نبته ادقاقي
تليتني من سببك العين ذرافه ***من غيبة الشمس لين الصبح ينساقي
يا عين حرٍ على العسرات مشرافه ***عيطٍ لحاليحها تصعب على الراقي
والعنق عنق أدمياً عاود لميلافه ***متذيرٍ عقب مروح ريح دفاقي
ماله من الجسم كود المتن وردافه ***زاويه خصرٍ عليه الشبر متلاقي
تليتني تل سيرٍ فوق حذافه ***وصرفتني عن هوى تلعات العناقي
ادخل على امك وابوك من التزلافه ***تبتني بالعذاب وتقطع ارزاقي
البرق لا جا المشاعف خيل شعافه ***وانا مشاعف غرامك وانت براقي
هذه قصيد بن جدلان في شاعر العرب
يالله ياللي اذا ضاقوا عبيدك دعــــــــــوك ** تعيني يامعين ولاتخيب تعبــــــــــــ ــي
سلام من السعودية بلاد الملـــــــــــ ـــوك ** مهابط الوحي والكعبه وبيت النبـــــي
يامحمد الاحمد الله يرحم امك وابـــــــوك ** يسكنك في النعيم الخالد الغيهبــــــــي
حطية للشعر حق مثل حق الصكــــــــوك ** سيف العرب يستلمه الشاعر اليعربي
والجايزة دونها زمل يصول ويصــــــــوك ** الكل منها يبي قسمه مثل مايبــــــــي
ابطال غزوة بدر وابطال غزوة تبــــــــوك ** تبغى الفخر مشي ولازحف ولاحبــي
وانا زحفة الجمال الواقفة والبــــــــروك ** ((لعيونكم ياعيال كليب بن تغلبــــــي))
الحاجة اللي .... من الحجاج الضحوك ** يقلط لها شايب عند الملاقا صبــــــي
ياغازي إن ماخذيت الناس ولا خـــــذوك ** الدعم باشنابكم والجايزه بشنبـــــــي
من شان أنا والشعار لافظ فــــــــــــــ وك ** اقول هذا حلالي ورث جدي وأبــــــي
والله ماهني رصيد سويسرا بالبنـــــــوك ** (مادام باقي على التراب اكلبـــــي )
( يالتغالب )
يا التغالب يـا شكايـم ملعبـة الشليـل
يا التغالب يا مصحين قلب مـا صحـى
تستمد امجادكم كـل يـوم و كـل ليـل
يا صروح فيك مجد الشوارب و اللحـى
يا ملوك الارض يا رنة الـوزن الثقيـل
يا طحا سبع الاراضين و اثقل من طحى
والله انكم خيرة عيال هابيـل و قابيـل
اي .. و من علم محمد تبارك و الضحى
( درر جدلانيه)
{داء ودواء}
وأنت سبّة كلّ شي ولا داويـت شـيّ
كيف ياقادر علـى داي ماتقـدر دواي
بعد ما شتتوّ الفكـر وأخليتـو يـديّ
كثرت أعلوم الشماميت وأفرحتوا عداي
مابعد جاني من يوم التقو بي والـديّ
ولابعد مرّ المحبين منّ حوّاء وجـاي
لوّ خبر به حيّ يبكي على فقدان حـيّ
كان يمدي من عرفني يشاركني عزاي
{الوصل}
وانّ بغيت أجيه وصله ماتهيّا
صاروا العربان من دونه حمايا
يا وليفـي لا تسويبـي كذيّـا
الخطايـا لا تلحقهـا خطايـا
ما يبور بصاحبه عقب البغيّـا
كود ناسٍ مالهـا بالله عنايـا
كلّ شيٍ أعمله كـود الجفيّـا
الجفا يزعل وسيعين النهايـا
{تاج الجمال}
شبه وضحاّ فالمخاضير زاويها الحيال
من غلاها عند أهلها تبارى ما تسـاق
تيهّت من صغرها بين ثنتيـنٍ هجـال
مهتويها راعيّ البل وعاشقها عشـاق
عنديّ إنّك ماخذٍ تاج ربّـات الجمـال
سلموّك الحسن من باب صنعاء للعراق
{على طاريه }
لا قالوا تحبّه قلـت مـا عادنـي بأبيـه
وأنا أشفق له أشفا من سقيم المرض لدواه
أقويّ عزومي كنّ ما عـاد عنـدي فيـه
وأنـا والله انّـي مونـسٍ البـلا وأكنـاه
عروق الحشى ماتنبـت الاّ علـى طاريـه
تنامى على قربـه وتهجـر علـى فرقـاه
فترى من يعذل مولعٍ مـن هـوى غاليـه
مثل من يحاول يعدل السيل مـن منحـاه
ودنا بالطيب .......
ودنا بالطيب بس الدهر جحـاد طيـب
كل ما تخلص مع الناس كنـك تغشهـا
يدك لامدت وفاء لاتحرى وش تجيـب
كان جاتك سالمه حب يـدك وخشهـا
كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا
وكل ما واجهت لك فالزمن وجه غريب
مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب
جعل قشاش الحطب لاسـرح يقتشهـا
ضحك مع الشاعر/سعد بن جدلان
الشاعر سعد ابن جدلان الاكلـبي من اكبر الشعراء في العصر الحالي وهو شاعر لجميع انواع الشعر (العرضة - المحاورة - النضم - الشلة - الموال ) وقليل من الشعراء من يستطيع ذلك وهو من رموز الشعر في المنطقة الجنوبية وقد دخل قلوب الناس عن طريق الشعر الفكاهي والشعر الاجتماعي
وهذه بعض قصائد الشاعر
لا شـان حظـك والليـالـي تحـدتـك,,,أصبر عليها والصبر زين لو طال
لا تنحنـي للوقـت وتـروح هيبتـك,,,تصفق بك الايام من جال في جال
وان كان همك بالزمن بس لقمتك,,,الـفـول بريالـيـن والخـبـز بـريـال
قصيدة اخرى
عندما اصيب الشاعر بفقر دم
يافقر قلي وش تبي مـن ورانـا,,,زودِ علـى فقـر الدراهـم فقـر دم
ما حاشـت يدينـا غدابـه عطانـا,,,نبذل ولا تحسب يدينا عطت كم
ولابـه رصيـدٍ عندنـا مـن يدانـا,,,الا الفعول الطيبه وخشيـة الـذم
لو نستلف حق الغدا من عشانا,,,نصبـر ولـو احوالنـا كلهـا هــم
قصيدة اخرى
ودنـا بالطيـب بـس الدهـر جحـاد طيـب,,,كل ما تخلـص مـع النـاس كنـك تغشهـا
يـدك لامـدت وفـا لا تـحـرا وش تجـيـب,,,كـان جاتـك سالمـه حـب يـدك وخشـهـا
كلمـا شبيـت نــار المحـبـه مــع حبـيـب,,,قـام يسـحـب فــي مشاهيبـهـا ويرشـهـا
كل ما واجهت لك في زمانا وجه غريب,,,مثـل مـا قـال المثـل دام تمـشـي مشـهـا
ذمــة ماهـيـب تنـقـال للـحـق المصـيـب,,,جعل قشـاش الحطـب لا سـرح يقتشهـا
...
وهذه من طرائف ابن جدلان
جاء يوم من الأيام وصله رجل لمشوار وسيارته ددسن قديمه
يوم وصله وجاء بن جدلان يبي ينزل قال له الرجل : يابن جدلان أنا سويت فيك معروف وو صلتك مشوارك أبيك تمدح سيارتي
فأضطر الشاعر / بن جدلان أن يوافق لأنه يبي يرد الجميل فقال :
يا راكب اللي دركسونـه دركسـون,,,ومكين تـه تحـت كبوتـه مكيـنـه
وسويكه سويك والطبلـون طبلـون,,,ويسـار ه يسـاره ويمينـه يميـنـه
وان كان كفراته برجستونٍ برجستون,,,واللي ماهي زينـةٍ ماهيـب زينـة
يمشي على الهون لا مشوه بالهـون,,,وإن كنهـم شاحطينـه شاحطينـه
ـــــــــــــــ ـــــ.....ـــــ ـــــــــــــــ ..... ـــــــــــــــ ـــــ......ــــ ـــــــــــــــ ــ
ويقولون كان معه مرسيدس من الأولات وقابله في الخط سيارات مرسيدس من التاليات اللي مقصوص خشمها من قدام (الفنس)
و يوم شافها تعدته هو وموتره قال:
وخري يالفنس عن سمح الاقبالي,,,,,,ل عنبوا ذاالوجه وجـه الفلبينـي
ماضهرتي غير في جيلنا التالـي,,,,,,في غلا المعزا ورخص البعاريني
ـــــــــــــــ ـــــ.....ـــــ ـــــــــــــــ ..... ـــــــــــــــ ـــــ......ــــ ـــــــــــــــ ــ
كان أبن ( جدلان ) معزوم عند تاجر معروف في البر . وكان هذا الرجال يحب (السلق) عنده في بيته أكثر من 6 سلق.
يوم حضروا كل الضيوف قال أبن جدلان للمعزب :
انا عندي قصيده فيك ودي أقولها.
قال المعزب:
تفضل يأبن جدلان:
يوم خلصت القصيده!!
حب المعزب يمزح مع أبن جدلان قال له:
ماودك تقول قصيده في السلقه!!
قال له أبن جدلان:
القصيده كانت في السلقه. بس يوم شفتك قلت أنت ولا السلقه!!!
ـــــــــــــــ ـــــ.....ـــــ ـــــــــــــــ ..... ـــــــــــــــ ـــــ......ــــ ـــــــــــــــ ــ
سألوا بن جدلان عن الحداثه في الشعر الشعبي وهل يستطيع أن ينظم بيت على الاقل من الشعر الحداثي :
قال بن جدلان :
على جناح الباميه وقّع الفـول,,,,,,,,, والكوسة الخضرا تحب البطاطه
--------------------------------------
وأزيد على ما تقدم ما قرأته له من بعض الطرائف في بعض المنتديات
ومنها:
انه في ذات يوم ذهب يبحث عن معرفة له في ديار بادية الفزع من خثعم
فلم يجده او يجد من يدله عليه وبينما كان يبحث عرّض على فريق من البادية
في تلك الانحاء واذا بتلك المرأه في طريقه تمشي جهة الفريق
فأوقف سيارته وسألها عن الرجل الذي يريده واعطاها اسمه
وهل هو من هؤلاء الفريق كي يقلط عليهم والا 00لا
فتلكات المراة وأخذت تماطل في الجواب وتبعد به عن مراده من الحديث
فقال لها على ضوء ذلك بيتا من الشعر ؛فقالت:وش ذا البيت اللي كنه من بيوت ابن جدلان
فقال:انا ابن جدلان،فقالت: قل والله، فقال:والله، فقالت:
(سبحان من حط ذا اللسان الزين في ذا الوجه البخ)
وسعد ليس بدميم فهو مقبول الشكل والخلقة ولكن المرأة كانت تظن من كثر ما تسمع عن سعد
وعن شعره وشهرته انه على درجة عليا من الوسامة والجمال
والبخ في لغة الفزع يعني الشين وهو معنى مضاد للمعنى الأصلي
لهذه الكلمة في الجاهلية وصدر الاسلام؛ اذ كانوا يقولون :بخ 00 بخ00 تعبيرا عن الاستحسان
ولكنها تحولت الى المعنى المضاد مع الزمن فصارت تعني الاستهجان والشين
ولم تعد هذه الكلمة العربية الأصل فيما سمعت لم تعد تستعمل الا في لهجة قبيلة الفزع الكريمة
جديد ابن جدلان ( مثلث برمودا )
عـشـاقــة اللـيلــكي وشـجـرة الـعــوده
كــل يــدق الـطــبول ويـسـرج الـقـودا
المـرجـلة فـي مساعي الرجل محموده
ولا لـهـا لــــون لابـيـضــا ولا ســـودا
الـعــلـم غــبـة بحـر مـا تـلحـق حدوده
حـتـى جـلالــة سـلـيــمـان بـن داؤودا
كـل الـمشـاهـيـرفـي التاريخ مـوجوده
مقري ومسموع ومجغرف ومشهودا
وثـنـتـيـن فـي عـالـم التاريخ مفـقوده
مــوقـع قـبـرعـلـي ومـثـلـث بـرمـودا |