27-10-2009, 06:25 PM
|
| |
السفر
استأذنك..بسافر ايام...واجيك
وان طالت ايام السفر..لاتحاتي
حتى لو طولت..ماني بناسيك
ياللي بدونك..وش تسوي حياتي؟؟
تامر على حاجه؟؟..بودعك واليك
عسى عوض الايام..في المقابلاتي
حتى يدي ماودها..تفارق يديك
ساكت..وانا اشوف البلا في سكاتي
ماشفتني لارحت منك..التفت فيك
بلاي والله(روحتي والتفاتي)
لكن قبل مااروح..ودي اوصيك
وانت الوحيد اللي يقدر وصاتي
لااحد سألك..وقالك(وين مغليك؟؟)
قله: لوازم لاقضاهاا بيأتي‘
وان طرو النسيان..مانيب ناسيك
ياراس مالي في الحياه.. وغناتي
وان طروا السلوان..ماني بساليك
طيفك معي حتى وانا في صلاتي
قلبي وهو قلبي اذا مرً طاريك
لولا ضلوعي..كان عزوا مماتي
لوجض صدري..كان يمديه يأتيك
ويبات عندك..ويهنى بالمباتي
انا..وقلبي..وال غلا..ساكن فيك
وانته..وقلبك..و الغلا..ساكن ذاتي
غلاك..مثل الحكم عند المماليك
اكبر طموحي..لا..كل امنياتي
شف في غيابي اي حاجه تسليك
لاني بعدك..اسلي مع( ذكرياتي)
احاول اذكر..اي شي يطريك
’واقول هو سوا..واناذي سواتي’
كني موادع..كل شي حواليك
وكني حسبت حساب((حزه وفاتي)
احب ..لاني مااقدر انساك..وابيك
ولا اقدر اخليك..ياللي تحاتي
معنى احب ومااقدر انسى واخليك
(يعني بدونك وش تسوي حيااتي)
|