مجالس الرويضة لكل العرب - عرض مشاركة واحدة

#1 (**permalink**) 21-10-2009, 05:11 AM

اليوم جبت لكم قصائد متعدده للشاعر الأمير الراحل/محمد بن احمد السديري.

وآمل أن تنال على إعجابكم.

قصيده لشاعر /محمد الاحمد السديري ......رحمه الله ....على البحر الهلالي
وابدع الشاعر هنا بحرف الصاد وكرره في كل بيت اكثر من( 8) مرات
اتمنى ان اكون وفقت في النقل وكسب رضاكم أيه الأحبه

صلى صالين صلبن بصاليه صابني-
*-*-*-*-*-صطى صارمه بصخار بالصدر صايبه

صفق وأصطفق صلبن صرم صافي الحشاء
-*-*-*-*-*-تقصا وقص أقصا قواصي ذوأيبه

صروف القصا صالت وصابت صبابتي
-*-*-*-*-*-صدى صدري الصافي وصكت مصايبه

صليب الصخر لو صابه اللي مصيبتي
-*-*-*-*-*-تصفق صفاه وصب صلصال ذايبه

عصف عاصفن وأقصى وصور لقصتي -
*-*-*-*-هصر غصن صبنٍ لاصقن في نصايبه

لصق في نصايب صاحبن صد واختفا
-*-*-*-*-*-صبا له بصلف اٍصباه صارم نوايبه
_______________ _______________ ________

لا تناظر منك شفت أشنع جريمه =في حياتي سجلت موتٍ قبرها

حالتي ويّاك يا خلّي سقيمـــــه =ما تعرف البر وينه من بحرهـا

المشاعر منك فيك أمست يتيمه =ما نبي لاماك حيث إنك كدرها

دونك أعذارك تراها لك غنيمـه =احتفظ فيها ترى ماحدٍ نشرهـا

وحبّك اللّي خابره عزّى نديمه =واستراح وراح يبحث عن قدرها

مــا بقا لك كود أطلالٍ قديمـه =ليت لى قدره واكسّر في حجرها

واجعل القيعان عقبك مستقيمه =وأتلذّذ وامِن بصافي نهرهـــــــــا

يوم ابو زيد الشمالي قال شيمه =مـا خـذيتـي ذرةٍ ممّــا بـثـرهــــــا

_______________ _______________ _______

شىءٍ بقلبى ياملا حايرٍ فيـــــه....... ....... شىءٍ تحير به العقول الفهامي
مخفيه بفوادى و لا ودى ابديه.......... .... وادور الخيرات شرقٍ وشامـي
احترت به ماشفت شىءٍ يحاليه......... ... واليوم أنشد عنه مانى بكامـي
سيلٍ حدر مع وادىٍ غير واديه.......... .... مدرى حلالٍ ماه والا حرامـــي
كانه حلالٍ جايزٍ شرب صافيه.......... ..... وش حلله يامفسرين الحلامـي
هاتوا تفاصيله وهاتوا معانيه......... ..... نبى الدليل اللى عليه الكلامـــي
نبي دليلٍ يفهم الدرب ماشيــه........ ....... يمشي به التايه بليل الظلامـــي
يمشي به التايه ويقدى مواطيه......... ... ويشرب قراح الما ليا صار ضامي
لاشك هجسي يوم خلا مماشيه......... .... انه حــــرام ومنه زود الاثامــي
احرم من الزقوم مره وحاليه......... ...وشربه على الضامى يزيد الهيامي
الله من قلب همومه تقزيــــه...... ....... تدك به مثل الجــــراد التهامــــي
من ما جرى قامت تتله مشاحيه......... تل الرشا من فوق هدف المقامي
روابعٍ قامت تصيبه وتخطيه......... ..... شاف الهوايل واختلاف الاسامي
ما يسمع الداعى ليا قام يدعيه.......... . يعـــوم فى بحرٍ من الهم طامـــي
ما ينتبه للى بصوته يناديـــــه.... ........ يزيد هـــمــه يوم كلٍ ينامــــــــي
يشوف وقتٍ ماعرفناتواليـــ ه............. وقتٍ يشّيب منه ابن الفطـــــامي
هذا زمانٍ كاثراتٍ بلاويـــــه.... .......... الغيم يقلب فيه عج وكتـــــــامي
يا بعد شرب الما على كبد راجيه......... ما سيل الغبرا زعوج الجهامي
انبيك يا من كلمة الحق ترضيه.......... اعطيك ما ينفعك وافهم كلامـــي
قصرٍ يذلك لا تقابل مبانيــــه .............. خله عسى شامخ طويله هدامي
خله عسى ما صاب اغادير يفنيه.......... يودع منازلـه الطويله رجامـي
لوزان مدخاله وطالت حواميه......... ..... شيّد على الخيبه قليل الرحامي
وحىٍ يوريك المذ لـه وتغليه......... ........ أنا أشهدأنك ميت القلب عامي
من لا يودك لا توده وترجيه......... ......... ارفع مقامك ياعزيز المقامي
ارفع مقامك عن عدوك وتوذيه......... .... ويلحقك من تركت رفيقك ملامي
حق الرفيق وواجبه لاتخليـــه..... .......... يلزمك مثل الوالدين الحشامـي
اخترعزيز الجار والحق يعطيه.......... ..... شبلٍ على هرجٍ يقوله يحامــي
مادك به عرج المذ لـه وطاريه......... .....يسبق على فعل الفضيله شمامي
ومن قارب الاجرب بالامراض يعديه.......... عدواه تسطي باللحم والعظامي
درب السلامه بيناتٍ مماشيه......... .......ودرب العطب يّرث عليك اللكامي
ابعد وقلبك نازح البعد يشفيه.......... ...... وتلقى عن الدار البغيضه مقامي
دارٍ بدار وداعى الذل عاصيه.......... ..... ولا تقبل الذ لـه نفوس الكرامـــي
الذل موت حايماتٍ ضواميــه....... ........ادخل على منزل فروض الصيامي
عن مقعد بالذل عينك تراعيه......... ......الموت عند الذل امان وسلامــــي
يرضى المذ لـه من تردت هقاويه......... .. والذل يجفل منه قلب العصامــي
والعبد لــه ربٍ عن الناس يغنيه.......... .. ولو لاه ماصاب الهدف كل رامي

وتقبلو مني كل الود

اخوكم/ رقــيــق الــمــشــاعـــ ر