دام انت يا راسي سليم من العطب = تقدر تقول السالفة نزوة كلام
هذي نمرّرها على شانه غضب = رغم انها كلمه خفيفه والسلام
نهدي قصيده كلها لوم وعتب = ماترخصه عندي وهو عالي مقام
ايوالله انه زلزل الحال ونهب = عقلي وتوّج هالغلا بالاحترام
لو طل في الخفّاق بيشوف العجب = كيف اختصر وقت الغلا بين الزحام
عيني تشوفه بالعشم لين اقترب = حتى توسمت انه انفاس الغرام
ويلاه يا مرخي لي جفون التعب = لا تنتهك بعض المشاعر باتّهام
دامك مفسر كلمتي قلّة ادب = بروح ادور قيمتي عند الكرام