«لا ترخصين النفس يا بنت تكفين =بعض البشر ما يستحق الموده
يلعب على كل العذارى بحبلين =وللدرك الأسفل با الغريره مرده
يجهل أصول العرف والشرع والدين =ضد المبادي، والتقاليد ضده
متمرس في مهنته قد له سنين =يشدكم له والطواري تشده
مصيونة عنه كل الفناجين =تنشل يمني بالمجالس تمده
لا تأمنين اللي مواريه وجهين =جعل الليالي السود عنك تلده
النية القشرا لها الف تخمين =وبعض النوايا المشكلة ما تسده
يا غاليه ضرب الهوى للمساكين =والمصلحة بأمر الهوى تبل المخده
كل العصور السالفه والمحبين =راحوا مع مراح جدك وجده
لا تخلطين الما يا بنت بالطين =الفرق واضح بين عدك وعده
انتي الذهب يا بنت بالعسر واللين =والله يعين اللي غدا فيه مده»