04-10-2009, 11:47 PM
|
| |
يا حلاة الكذب منك .. يا حبيبي
يالغلا استأجرت قلبك لين زوّدت الأجار
لجل تقفيني ولا هو منتهي عقد الأجير
بعت روحي , بعت قلبي , بعت كلي , باختصار
ما بقالي غير همي ول ْ صلاتي ذا الحصير
ادفع اديوني قبل لا يعلن البدر احتضار
خوف إني إن نسيتك يالغلا عمري قصير
بس غدرك ما نسى بابي وعيّاه إنتظار
كنت مدرك إنني في حالتي وضعي خطير
كان همّك تلعب ابقلبي ونيّاتك ضِرار
أنظر اعيوبك ولكن أدّعي إني ضرير
أكتوي ابنارك وتحلف إن مصدر هالشرار
أهلك اللي لو سعولي , أفرش الدنيا حرير
أدري ابغنجك وكذبك بسْ إلى أين الفرار
حبك أعمى في فوادي لو سقاني زمهرير
ليتني أصبر على بعدك , وأعلنها جهار
ما أخونك يالغلا دامك على قلبي " أمير "
ليتني استأجرت قلبك وانتهى عقد الأجار
كان أهون يا حبيبي من تغاريم الفقير
بس تكفى يالغلا إن كان زوّدته اضطرار
خلـّـني ناطور قلبك واكتفي في ذا الحصير
|