مجالس الرويضة لكل العرب - عرض مشاركة واحدة - ! ●● الصــدرِ ضـــآيق ... وِالجفــن ســـد عــــآلـيِِ ●● !

#1 (**permalink**) 04-10-2009, 06:44 PM

السلام عليكم ورحمة الله وبركاته
صباحكم / مسائكم..
يعبق بالخيروالفرح والمسراتــــ

๑

_____________
الصدر ضايق والجفـن سـد عالـي
يحبس وراه اسرار واحزان وادمـوع
أجلس مع اخوانـي وكنـي لحالـي
اتصنع البسمات والقلـب موجـوع
وانا كذا ! مـن سبعـة ايـام حالـي
من بعد ذاك اللي هجرته من اسبـوع
له اربع اسنيـن وهـو راس مالـي
ويمشي معي دايم على السمع والطوع
يا كان يعشقنـي ويعشـق ظلالـي
ويا هو في موق العين والقلب مطبوع
أذكر مواقـف بيننـا فـي خيالـي
ثم اتبسـم واكتـم الدمـع واللـوع
مليـت مـن تمثيـل دور المثــــالـي
اللي يشوف الشوووق والحب ممنـوع
يا خوي انـا مانيـب رجـال آلـي
هيكل من الفولاذ والصلب مصنـوع
صحيح اكابر لـو الاحـزان فالـي
واتظاهر الشبعه وانـا ميـت جـوع
لكـن.. إذا حنيـت لإنسـان غالـي
طبعا بحس بحالة الضيـق والـروع
تبغى الحقيقه عاد ؟.. ما كنت ابالـي
كنت احسب إنه يشيه الغير في النوع
ويوم فقدته قلت شـ اللـي جـرا لـي ؟؟؟
وقـــام الخفوق إيون وابصوت مسموع
وشفت الليالي غيـر ذيـك الليالـي
شفت المجره لكن البـدر منـزوع !!
احيان أعـزز فـي لقـاه احتمالـي
وأحيان احس ان الامل صار مقطوع
_____________
للشآعر \ سطام الشلفان