02-10-2009, 03:38 PM
|
| |
ياصانع المكياج الله يجازيك
ياصانع المكيااج الله يجازيك
خليتني مخدوع في شكل خلي
الله يحرق مصنعك مع مبانيك
والمعرض الموجود في بيكادليلي
ادعي عسى تعمى وتنشل رجليك
هذا دعائي دووم لاجيت اصلي
خليتني اركض وراالنت هاذيك
واشوفها اجمل غرام حصل لي
قلبي عشقهااايا(عزوز) توماتيك
وان شافها قلبي يرحب يهلي
هي رحبت بي وقالت الله يحيك
وقالت هلا باللي عشق زين شكلي
وقالت انا اجمل بنت في اللي حواليك
شف حسني الاخاذ وروجي العسلي
طالعتهاا ثم قلت هالقلب يبغيك
ومن شاف حسنك خلى غيرك يولي
ابغى اشوفك دون مكياج يكسيك
وابغى اشوفك بالجمال المحلي
قال تبيني افرك الوجه تفريك
واشيل هالبودر وروجي وكحلي
وقلت اي نعم قومي عسى الروح تفديك
ابغي جمالك هالطبيعي يهلي
قالت دقايق راجعه لك واراويك
ذاك الجمال اللي لعينك يسلي
ويوم رجعت لي شربكتني الشرابيك
وحسيت الارض تدور وانا بمحلي
الخد كنه يا(عزوز)سيراميك
والوجه شارع مثل شارع حولي
الوجه كنه بيت كله شبابيك
من هالحفرفي وجهها اللي يعلي
كله سبب مكياجك الله يجازيك
خليتني مخدع في شكل خلي
 |