لو خسرتك ماخسرت العمر ..والدنيا متاع..
وأدري إني لو خسرتك ماخسرت إلا القليل..
بس فكر زين!! ..تعرف من خسر فينا وضاع..
وتعرف إنك لو تلف الأرض.. وتدور بديل..
والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..


ين تلقى مثل شخصي شخص..وطباعي طباع..
ووين تلقى مثل "قلبي قلب..أو مثلي خليل.."
لبشر واحد..نعم..لكن فرق الإنطباع..
يجعلك يمي تميل ..ويم غيري ماتميل..
يارفيقي إنتبه..!وأحسن إلي الإستماع..
للمواقف دور في كشف المزيف..والأصيل ..
::رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..::
لاغدى <مستقبلي والماضي> أطراف النزاع..
وصفحة الماضي سواد وشيء من هذا القبيل..


لازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..
وطالما إن الهجوم أفضل وسيله للدفاع..
مستحـيل أرضخ لو إن الحمل ياربعي ثقيل..


والبخيل اللي نساني وإشترى فيني.. وباع..
يـذلف الله لايرده.. والله بجرحي كفيل..
وإن سأل عني..وجاكم بعد فترة إنقطاع..
علموه إني نسيته بس ..أنا ماني بخيل..
طالما كان السبب في قوتي.. قبل الوداع..
بلغـوه أقل شيء,, بخالص الشكر الجزيل..