رائع اخوي شاكره طرحك
وانا حاليا بخاطري
عقب الفراق اللي فرى القلب والجيب
وعقب الفراق اللي ذبح خاطرن حـي
وعقب السنين اللي كست راسي الشيب
وعقب الضمى اللي مروته شربة المي
مع شمسك اللي طول الايـام متغيـب
من حرهـا مايبـرد الواهـج الفـي
وين انت عني يـوم اكـز المناديـب
واقول وينـك ياكـرم حاتـم الطـي
ابيك في وقتـك قريـب المحاظيـب
تسرح وتمرح وسط هـذي قبـل ذي
عيشتني عيشت عدو خانه اصحيـب
من جور تعذيبك اعرُض لـك ايـدي
وصلبتني صلب العـدى بالمصاليـب
واحرقت قلبـي بالمشاهيـب والكـي
عذبتني مثل اللذي بسجن ابوغريـب
الا بعد تعذيبك العن...؟؟ ترى شـوي
ورحمني اللي يعلـم السـر والغيـب
والا حياتـي باقـيـه زي مـاهـي
ويومي تشاويت وبدى الخاطر يطيـب
واحاول انسى مع الزمن فعلتـك فـي
هالحين ترجع لـي بليـا مواجيـب!!
وتبي ترجـع بالعلاقـه لوشـوي !!
رجعتك هذي تجمع الشـك والريـب
باالله قلـي وش تبـي برجعتـك لـي
ان كان قصدك بالوصل زود تعذيـب
ترى الزمن في غيبتك ماذخـر شـي